దుల్కర్ సల్మాన్ తెలుగు ప్రేక్షకులకు పరిచయం అవసరం లేని పేరుగా మారిపోయింది.మహానటి సినిమాలో జెమినీ గణేషన్ పాత్రలో నటించిన ఈయన మొదటి సినిమాతోనే తెలుగు ప్రేక్షకులను మెప్పించారు. అయితే ఈయన హీరోగా పూర్తిస్థాయి తెలుగు చిత్రం సీతారామం సినిమా ద్వారా తెలుగు ప్రేక్షకుల ముందుకు వచ్చి ఎంతో మంచి ఆదరణ సంపాదించుకున్నారు. దుల్కర్ సల్మాన్, మృణాల్ ఠాకూర్ జంటగా వచ్చిన ఈ సినిమా ప్రేక్షకులను ఎంతగానో ఆకట్టుకుంది. ఈ సినిమా కేవలం తెలుగులో మాత్రమే కాకుండా తమిళ మలయాళ భాషలలో కూడా మంచి విజయాన్ని అందుకోవడంతో తాజాగా హీరో హీరోయిన్లు ఒక ఇంటర్వ్యూలో పాల్గొన్నారు.
ఇంటర్వ్యూ సందర్భంగా వీరికి ఎన్నో ఆసక్తికరమైన ప్రశ్నలు ఎదురయ్యాయి. అయితే మలయాళీ స్టార్ హీరో దుల్కర్ సల్మాన్ కు యాంకర్ నుంచి ఆసక్తి కరమైన ప్రశ్న ఎదురయింది. తెలుగు సినిమా ఇండస్ట్రీలో మీకు ఇష్టమైన హీరో ఎవరు అని ప్రశ్నించగా ఈయన ఒక్క క్షణం కూడా ఆలోచించకుండా తనకు ఐకాన్ స్టార్ అల్లు అర్జున్ అంటే ఇష్టమని సమాధానం చెప్పారు.ఈ విధంగా అల్లు అర్జున్ పుష్ప సినిమాతో కేవలం టాలీవుడ్ ఇండస్ట్రీలో ప్రేక్షకాభిమానులకు మాత్రమే కాకుండా, ఇతర భాష స్టార్ హీరోలకు సైతం ఫేవరెట్ హీరోగా మారిపోయారు.
ఇప్పటికే ఎంతోమంది బాలీవుడ్ సెలబ్రిటీలు సైతం అల్లు అర్జున్ ఫేవరెట్ హీరో అంటూ చెప్పిన విషయం మనకు తెలిసిందే. ఈ విధంగా అల్లు అర్జున్ కేవలం తెలుగు ఇండస్ట్రీలోనే కాకుండా ఇతర భాష హీరోలకు కూడా ఫేవరెట్ హీరో కావడంతో ఈయన క్రేజ్ ఏంటో అర్థమవుతుంది. ఇక ఇదే ప్రశ్న హీరోయిన్ మృణాల్ కి ఎదురవడంతో ఆమె విజయ్ దేవరకొండ ఫేవరెట్ హీరో అని సమాధానం చెప్పారు.
ఈ విధంగా వీరిద్దరూ వారి ఫేవరెట్ హీరోల పేర్లు చెప్పడంతో వీరి అభిమానులు మాత్రం ఎంతో సంతోషం వ్యక్తం చేస్తున్నారు. ఇక దుల్కర్ సినిమాల విషయానికొస్తే ఈయన ప్రస్తుతం చుప్‌..రివేంజ్ ఆఫ్ ది ఆర్టిస్ట్ అనే క్రైమ్ త్రిల్లర్ నేపథ్యంలో తెరకెక్కుతున్న సినిమాలో నటిస్తున్నారు.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
