Dulquer Salmaan: ఆ సంఘటన నుంచి బయటపడలేకపోతున్నా: దుల్కర్ సల్మాన్
July 4, 2023 / 02:05 PM IST
|Follow Us
ప్రముఖ మలయాళీ నటుడుగా ఎంతో పేరు ప్రఖ్యాతలు సంపాదించుకున్నటువంటి సీనియర్ నటుడు మమ్ముట్టి వారసుడిగా దుల్కర్ ఇండస్ట్రీలోకి అడుగుపెట్టిన విషయం మనకు తెలిసిందే. ఇలా మలయాళ ఇండస్ట్రీలో నటుడిగా ఎంతో పేరు ప్రఖ్యాతలు సంపాదించుకున్నటువంటి దుల్కర్ సల్మాన్ తెలుగులో కూడా అదే స్థాయిలో ఆదరణ సంపాదించుకున్నారు. ఈయన మహానటి సినిమా ద్వారా తెలుగు ప్రేక్షకులకు పరిచయమయ్యారు. అయితే సీతారామం సినిమా ద్వారా నటుడిగా ఎంతో గుర్తింపు పొందారు. ఈ సినిమా అనంతరం ఈయనకు తెలుగులో కూడా విపరీతమైన అభిమానులు పెరిగిపోవడంతో ఈయన మలయాళంలో నటించిన సినిమాలను తెలుగులో కూడా విడుదల చేస్తున్నారు.
ఈ విధంగా వరుస సినిమాలలో నటిస్తూ ప్రస్తుతం (Dulquer Salmaan) దుల్కర్ ఎంతో బిజీగా ఉన్నారు. ఇకపోతే తాజాగా ఈయన సోషల్ మీడియా వేదికగా ఒక వీడియోని షేర్ చేశారు. అయితే వెంటనే ఆ వీడియోని డిలీట్ చేయడం గమనార్హం. ఈ వీడియోలో భాగంగా ఈయన మాట్లాడుతూ… కన్నీళ్లు తుడుచుకుంటూ ఒకసారిగా తనకు నిద్ర పట్టడం లేదని పరిస్థితులు ఎల్లవేళలా ఒకేలా ఉండవని తెలిపారు.
అయితే నా జీవితంలో మొదటిసారి ఇలాంటి సంఘటనను ఎదుర్కొన్నాను ఆ సంఘటన నుంచి బయటపడటానికి ప్రయత్నం చేస్తున్న తన వల్ల కాలేదంటూ ఓ వీడియోని షేర్ చేశారు. ఈ విధంగా ఈ వీడియోని షేర్ చేసిన వెంటనే ఈయన డిలీట్ చేశారు. అయితే అప్పటికే ఆ వీడియో సోషల్ మీడియాలో వైరల్ గా మారింది.
అయితే ఈ వీడియో చూసినటువంటి నేటిజన్స్ అసలు దుల్కర్ సల్మాన్ కు అంత బాధ కలిగించిన అంశం ఏంటి అని ఆరా తీస్తున్నారు. అలాగే మరికొందరు మీరు బానే ఉన్నారు కదా…అసలేమైంది అంటూ పెద్ద ఎత్తున ఆందోళన చెందుతూ కామెంట్ లు చేస్తున్నారు.