Ram Charan: అభిమానుల రిక్వెస్ట్ ను రామ్ చరణ్ అంగీకరించడం సాధ్యమేనా?
July 3, 2023 / 09:23 AM IST
|Follow Us
టాలీవుడ్ స్టార్ హీరోలలో ఒకరైన రామ్ చరణ్ కు ప్రేక్షకుల్లో క్రేజ్ ఉందనే సంగతి తెలిసిందే. తాజాగా చరణ్ కు కూతురు జన్మించడంతో మెగా కుటుంబంలో సంతోషానికి అవధులు లేకుండా పోయాయి. అయితే రామ్ చరణ్ ప్రస్తుతం గేమ్ ఛేంజర్ సినిమాతో బిజీగా ఉండగా చరణ్ బుచ్చిబాబు కాంబో సినిమాకు సంబంధించి అధికారిక ప్రకటన వెలువడింది. అయితే ఈ రెండు సినిమాల షూటింగ్ లు ఆలస్యమవుతున్నాయి. అయితే స్టార్ డైరెక్టర్ శంకర్ ప్రస్తుతం ఇండియన్2 సినిమాతో పాటు గేమ్ ఛేంజర్ సినిమాతో బిజీగా ఉన్నారు.
వచ్చే ఏడాది ఈ రెండు సినిమాలు థియేటర్లలో రిలీజ్ కానున్నాయి. శంకర్ చేసినట్టు రామ్ చరణ్ కూడా బ్యాలెన్స్ చేయాలని నెటిజన్ల నుంచి కామెంట్లు వ్యక్తమవుతున్నాయి. బుచ్చిబాబు సినిమాను చరణ్ త్వరగా మొదలుపెట్టాలని ఫ్యాన్స్ కోరుకుంటున్నారు. ఒకే సమయంలో రెండు సినిమాలలో నటించడం ద్వారా తక్కువ సమయంలోనే చరణ్ నటించిన రెండు సినిమాలు విడుదలయ్యే అవకాశం ఉంటుంది. రామ్ చరణ్ కెరీర్ ప్లానింగ్ రాబోయే రోజుల్లో ఏ విధంగా ఉండనుందో చూడాల్సి ఉంది.
చరణ్ లోకేశ్ కనగరాజ్ కాంబినేషన్ లో ఒక సినిమా తెరకెక్కనుందని వార్తలు ప్రచారంలోకి వస్తుండగా ఈ వార్తలకు సంబంధించి అధికారిక ప్రకటన రావాల్సి ఉంది. చరణ్ ప్రశాంత్ నీల్ కాంబినేషన్ లో ఒక సినిమా తెరకెక్కే అవకాశం ఉండటంతో ఫ్యాన్స్ సంతోషిస్తున్నారు. అయితే ఈ కాంబినేషన్ సినిమాకు సంబంధించి త్వరలో అధికారిక ప్రకటన వెలువడే అవకాశం ఉంది.
చరణ్ వరుసగా పాన్ ఇండియా ప్రాజెక్ట్ లలో నటించాలని ఫ్యాన్స్ కోరుకుంటున్నారు. రామ్ చరణ్ రెమ్యునరేషన్ సైతం భారీ రేంజ్ లో ఉంది. సినిమా సినిమాకు చరణ్ క్రేజ్ పెరుగుతోంది. రామ్ చరణ్ ఇతర భాషల్లో కూడా సక్సెస్ సాధించాలని ఫ్యాన్స్ కోరుకుంటున్నారు. మెగా ప్రిన్సెస్ రాకతో చరణ్ కు మరింత కలిసొస్తుందని అభిమానులు భావిస్తుండటం గమనార్హం.