అంజలా జవేరి భర్తతో చిరు కొట్లాట!

చూడాల‌ని వుంది సినిమాలో చిరుకి జోడీగా న‌టించింది అంజ‌లా జావేరి. ఆ సినిమాతో అంజ‌లా టాలీవుడ్‌లో మ‌రింత పాపుల‌ర్ అయ్యింది. ఆ త‌ర‌వాత కొంత‌కాలానికి బాలీవుడ్ న‌టుడు త‌రుణ్ అరోరాని పెళ్లి చేసుకొని సెటిలైపోయింది. అప్ప‌ట్లో అంజ‌లాతో డ్యూయెట్లు పాడిన చిరు.. ఇప్పుడు అంజ‌లా భ‌ర్త‌తో డిష్యూం డిష్యూం అంటూ ఫైట్లు చేయ‌బోతున్నాడు.

అవును.. చిరంజీవి 150వ చిత్రానికి ప్ర‌తినాయ‌కుడెవ‌రో తెలిసిపోయింది. బాలీవుడ్ న‌టుడు త‌రుణ్ అరోరాని ఎంచుకొన్నార‌ని స‌మాచారం. వివేక్ ఓబెరాయ్‌, జ‌గ‌ప‌తిబాబు పేర్లు ప‌రిశీల‌న‌కు వ‌చ్చినా చివ‌ర‌కు.. త‌రుణ్ వైపే టీమ్ మొగ్గు చూపింద‌ని తెలుస్తోంది. ఈచిత్రానికి ఖైదీ నెం.150 అనే పేరు పెడ‌తార‌న్న ప్ర‌చారం జ‌రిగింది. ఇప్పుడు నెపోలియ‌న్ అనే మ‌రో టైటిల్ వెలుగులోకి వ‌చ్చింది. చివ‌రికి ఏది ఖ‌రారు చేస్తారో చూడాలి.