ముచ్చటగా మూడోసారి జతకట్టబోతోన్న విజయ్-రష్మిక

ప్రస్తుతం టాలీవుడ్ సెన్సషనల్ స్టార్ ఎవరంటే టక్కున చెప్పే పేరు ‘విజయ్ దేవరకొండ. ‘పెళ్ళి చూపులు’ ‘అర్జున్ రెడ్డి’ చిత్రాలతో యూత్ ను ఆకర్షించి ‘గీత గోవిందం’ చిత్రం తో విజయ్ దేవరకొండ స్టార్ హీరోల లిస్టులో చేరిపోయాడు . విజయ్ క్రేజ్ ను బేస్ చేసుకుని దాదాపు 120 కోట్ల గ్రాస్ ను కొల్లగొట్టింది ‘గీత గోవిందం’ చిత్రం. విడుద‌ల‌కు ముందే పైర‌సీకి గురైనప్పటికీ దాని ప్రభావం ఏమాత్రం కలెక్షన్ల మీద పడకపోవడం విశేషం. ఈ సినిమాతో విజ‌య్ ను ఫ్యామిలీ ఆడియ‌న్స్‌ కు కూడా బాగా దగ్గరయ్యాడు.

తాజా సమాచారం ప్రకారం ‘గీత గోవిందం’ కు సీక్వెల్‌ ప్లాన్ చేస్తున్నాడట ద‌ర్శ‌కుడు ప‌ర‌శురామ్. ఈ స్క్రిప్ట్ పనిలోనే పరశురామ్ బిజీగా ఉన్న‌ట్లు ఫిలింనగర్లో గుసగుసలు వినిపిస్తున్నాయి. గతంలో ప‌ర‌శురామ్‌తో మ‌రోసారి ప‌నిచేయ‌డానికి రెడీగా ఉన్నాఅన్న విజ‌య్‌ మాటను సీరియ‌స్ గా తీసుకున్న ప‌ర‌శురామ్‌… ‘మళ్ళీ గీతాగోవిందం’ పేరుతో ఓ క‌థను సిద్ధం చేస్తున్నట్టు తెలుస్తోంది. విజ‌య్ దేవరకొండ, ర‌ష్మిక మరోసారి ఈ చిత్రంలో జతకట్టబోతున్నారట. ప్రస్తుతం విజయ్ నటిస్తున్న ‘డియర్ కామ్రేడ్’ చిత్రంలో కూడా రష్మిక నే హీరోయిన్ గా నటిస్తుంది. ఒక పక్క ‘టాక్సీవాలా’ సక్సెస్ ను ఎంజాయ్ చేస్తూనే మరో పక్క ‘డియర్ కామ్రేడ్’ చిత్రంతో విజయ్ బిజీగా ఉన్నాడు విజయ్. మరి ‘మళ్ళీ గీతాగోవిందం’ చిత్రం ఎప్పుడు సెట్స్ పైకి వెళ్ళనుందో తెలియాలంటే మరికొన్ని రోజులు వేచి చూడక తప్పదు.

డియర్ కామ్రేడ్ సినిమా వర్కింగ్ స్టిల్స్