బిగ్ బాస్ షో సీజన్6 కంటెస్టెంట్ గా, బిగ్ బాస్ బజ్ హోస్ట్ గా తనకంటూ మంచి గుర్తింపును సొంతం చేసుకున్న గీతూ రాయల్ కు తాజాగా చేదు అనుభవం ఎదురైంది. గీతూ రాయల్ కారు అద్దాలను గుర్తు తెలియని వ్యక్తులు పగలగొట్టడంతో పాటు ఆమెతో మిస్ బిహేవ్ చేశారట. ఈ ఘటనపై మాదాపూర్ పోలీస్ స్టేషన్ లో ఫిర్యాదు చేసిన గీతూ రాయల్ మీడియాతో మాట్లాడుతూ కీలక విషయాలను చెప్పుకొచ్చారు.
బిగ్ బాస్ బజ్ ఇంటర్వ్యూలను పూర్తి చేసి బయటకు రాగా కొంతమంది నా కారును చుట్టముట్టడంతో పాటు కారు అద్దాలు పగలగొట్టి నా చేతులు లాగే ప్రయత్నం చేశారని ఆమె తెలిపారు. నా దగ్గర కోట్ల రూపాయలు లేవని ఎంతో కష్టపడి సంపాదించిన డబ్బుతో ఇష్టమైన కారును కొనుగోలు చేశానని గీతూ రాయల్ అన్నారు. కారులో నా ఆభరణాలు, క్యాస్టూమ్స్ ఉండటంతో వాటిని జాగ్రత్తగా భద్రపరిచి పోలీసులకు ఈ ఘటన గురించి ఫిర్యాదు చేశానని ఆమె తెలిపారు.
కారు అద్దాలు పగిలినా ఫిర్యాదు చేయడం వల్ల ఇన్సూరెన్స్ కవర్ అవుతుందని గీతూ రాయల్ పేర్కొన్నారు. ఒకడు బట్టతలతో రెడ్ టీషర్ట్ వేసుకుని ఉన్నాడని నా కారు అద్దాలు పగులగొట్టిన వాడు దొరికితే కొడతానని వాడిని కనిపెట్టి అప్పగిస్తే 10,000 రూపాయలు ఇస్తానని గీతూ రాయల్ వెల్లడించారు. బిగ్ బాస్ ఇతర కంటెస్టెంట్ల కార్లపై కూడా దాడులు జరగడం సోషల్ మీడియాలో హాట్ టాపిక్ అవుతోంది.
గీతూ రాయల్ ను (Geetu Royal) టార్గెట్ చేయాల్సిన అవసరం ఎవరికి ఉందో బిగ్ బాస్ ఫ్యాన్స్ కు సైతం అర్థం కావడం లేదు. బిగ్ బాస్ షో సీజన్7 సూపర్ హిట్ గా నిలవగా బిగ్ బాస్ ఓటీటీ కూడా ఉండబోతుందని తెలుస్తోంది. మార్చి నెల నుంచి బిగ్ బాస్ ఓటీటీ సీజన్2 ప్రారంభం కానుందని 10 వారాల పాటు ఈ షో ఉండనుందని సమాచారం. అర్జున్ అంబటి ఈ షోలో పాల్గొననున్నారని వార్తలు వినిపిస్తున్నాయి.
మహేష్, చరణ్..లతో పాటు ఈ ఏడాది ఒక్క సినిమాతో కూడా ప్రేక్షకుల ముందుకు రాని హీరోల లిస్ట్
‘హాయ్ నాన్న’ నుండి ఆకట్టుకునే 18 డైలాగులు ఇవే..!
‘ఎక్స్ట్రా ఆర్డినరీ మెన్’ నుండి ఆకట్టుకునే 20 డైలాగులు ఇవే..!
