ఒకప్పుడు హాలీవుడ్ చిత్రాలను మన ప్రేక్షకులు పెద్దగా పట్టించుకునేవారు కాదు. కానీ కొన్నేళ్లుగా పరిస్థితులు పూర్తిగా మారిపోయాయి. హాలీవుడ్ సినిమాలు వరల్డ్ వైల్డ్ ఎప్పుడు రిలీజ్ అవుతున్నాయో.. ఇండియాలో కూడా అప్పుడే విడుదలవుతున్నాయి. కొన్ని హాలీవుడ్ సినిమాలైతే ముందుగా ఇండియాలోనే విడుదలవుతున్నాయి. ‘ గాడ్జిల్లా వర్సెస్ కాంగ్’ సినిమా కూడా ముందుగా ఇండియాలోనే రిలీజయింది. ఇప్పుడు ఈ సినిమా ఇండియన్ సినిమాలకు గండంగా మారింది. ప్రస్తుతం ఈ సినిమా ఇండియన్ బాక్సాఫీస్ ను షేక్ చేస్తోంది. బుధవారం ప్రేక్షకులకు ముందుకు వచ్చిన ఈ సినిమా తొలిరోజు రూ.6 కోట్ల గ్రాస్ సాధించింది.
వీక్ డేస్ లో ఈ రేంజ్ లో వసూళ్లు రావడం మాములు విషయం కాదు. గత వారం బాలీవుడ్ లో విడుదలైన ‘ముంబయ్ సాగా’ సినిమాకి తొలిరోజు గ్రాస్ మూడు కోట్ల లోపే వచ్చింది. కరోనా సెకండ్ వేవ్ నేపథ్యంలో నార్త్ లో ఆ సినిమాకి ఆశించిన వసూళ్లు రాలేదు. కానీ ‘గాడ్జిల్లా వర్సెస్ కాంగ్’ సినిమాకి మాత్రం కలెక్షన్స్ బాగానే వస్తున్నాయి. తమ దృష్టిని ఆకర్షించిన సినిమా విషయానికొచ్చేసరికి జనాలు కరోనాకి కూడా భయపడడం లేదని అర్ధమవుతోంది.
పిల్లకు బాగా నచ్చే సినిమా కావడంతో ఫ్యామిలీ ఆడియన్స్ కూడా ఈ సినిమా థియేటర్లకు క్యూ కడుతున్నారు. టాలీవుడ్ లో ఈ వారం విడుదలైన ‘రంగ్ దే’, ‘అరణ్య’ సినిమాలకు మించి ఈ సినిమాకి మల్టీప్లెక్స్ షోలు కేటాయించడం విశేషం. ఈ తెలుగు సినిమాల వసూళ్లపై ‘గాడ్జిల్లా వర్సెస్ కాంగ్’ ప్రభావం చూపేలా ఉంది. లాంగ్ వీకెండ్ కావడంతో ఆదివారం పూర్తయ్యేసరికి ఈ హాలీవుడ్ సినిమా రూ.30 కోట్ల గ్రాస్ కలెక్ట్ చేస్తుందని అంచనా వేస్తున్నారు.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
