కొత్త తరహా కథలు, వైవిధ్యమైన పాత్రలు చేయడానికి విక్టరీ వెంకటేష్ ఎప్పుడూ ముందే ఉంటారు. తాజాగా సాల్ట్ అండ్ పెప్పర్ లుక్ లో ఆయన నటించిన గురు సినిమా గత శుక్రవారం రిలీజ్ అయి సూపర్ హిట్ టాక్ సొంతం చేసుకుంది. బాక్సర్ కోచ్ గా వెంకీ నటనకు, సుధా కొంగర దర్శకత్వ ప్రతిభ తోడుకావడంతో కలక్షన్ల వర్షం కురిపిస్తోంది. తెలుగు రాష్ట్రాలతో పాటు ఓవర్సీస్ లోను ఈ మూవీకి మంచి ఆదరణ లభిస్తోంది. ఓవర్సీస్‌లో గురువారం ప్రీమియర్ షోల ద్వారా ఈ సినిమాకు 21901 డాలర్లు వచ్చాయి. శుక్రవారం 36502 డాలర్ల కలెక్షన్లు వచ్చాయి.
శనివారం 55011 డాలర్లు, ఆదివారం 26058 డాలర్లను కలెక్ట్ చేసి మొత్తం మీద 139472 డాలర్లను అమెరికాలో గురు కలెక్ట్ చేసింది. ఇండియన్ కరెన్సీ లో చూస్తే వీకెండ్స్ లో గురు దాదాపు కోటి రూపాయల వరకు రాబట్టారు. వెంకటేష్ గత సినిమాలు ఏది ఓవర్సీస్ లో ఇంతమొత్తంలో వసూళ్లు సాధించలేదు. దీంతో డిస్ట్రిబ్యూటర్లు తక్కువ రేటుకి రైట్స్ కొనుగోలు చేసి భారీ లాభాలను గడించారు.
Also, do SUBSCRIBE to our YouTube channel to get latest Tollywood updates.
