ప్రముఖ యాంకర్, బిగ్ బాస్ కంటెస్టెంట్, నటి అయిన హరితేజ అందరికీ సుపరిచితమే. కెరీర్ ప్రారంభంలో పలు సీరియల్స్ లో, సినిమాల్లో నటించిన ఆమె అటు తర్వాత ‘బిగ్ బాస్ సీజన్ 1’ లో ఓ కంటెస్టెంట్ పాల్గొని ఫైనల్ వరకు వెళ్ళింది. ఆ షో ద్వారా ఆమె తన క్రేజ్ ను మరింతగా పెంచుకుంది కానీ విన్నర్ గా అయితే నిలవలేకపోయింది అని చెప్పాలి.ఆ తర్వాత వరుస సినిమా అవకాశాలను సంపాదించుకుంటూ వచ్చింది.
ఇక హరి తేజకి పెళ్లవడం.. ఓ బిడ్డకు జన్మనివ్వడం కూడా జరిగింది. ఆమె భర్త పేరు దీపక్ రావ్, కూతురి పేరు భూమి. లాక్ డౌన్ టైంలో హరి తేజ గర్భవతి అయ్యి పాపకు జన్మనివ్వడం జరిగింది. సోషల్ మీడియాలో నిత్యం యాక్టివ్ గా ఉండే హరితేజ .. ఎప్పుడూ తన భర్త, పాప ఫోటోలను షేర్ చేస్తూ ఉంటుంది. అయితే గత నెల రోజులుగా ఆమె ఎలాంటి ఫోటోలు షేర్ చేయలేదు.
ఈ క్రమంలో హరితేజ (Hari Teja) విడాకులు తీసుకుంది అంటూ ప్రచారం మొదలైంది. దీనిపై ఇటీవల ఆమె అభిమానులతో ముచ్చటించిన టైంలో స్పందించింది. ఓ నెటిజన్ హరితేజని ‘ఏంటి.. భర్తతో విడాకులా?’ అంటూ ప్రశ్నించాడు. దీనికి హరితేజ 4 రోజులు సోషల్ మీడియాలో యాక్టివ్ గా లేకపోతే ‘చనిపోయామనుకుని కూడా ప్రచారం చేసేలా ఉన్నారే’ అంటూ ఆమె బదులిచ్చింది. ఈ ఒక్క రిప్లైతో ఆమె తన విడాకుల రూమర్స్ కి చెక్ పెట్టినట్లు అయ్యింది.
స్కంద సినిమా రివ్యూ & రేటింగ్!
చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !
