“మీటూ” ఉద్యమం హాలీవుడ్ లో ఆగిపోయినప్పటికీ ఇండియాలో మాత్రం ఉధృతం అయింది. కొన్ని చిత్ర పరిశ్రమలో హీరోయిన్స్ తమ బాధని దైర్యంగా చెబుతుంటే మరికొంతమంది మాత్రం ఈ అంశాన్ని పక్కదారి పట్టిస్తున్నారు. శాండిల్ వుడ్ లో దీనిపై పెద్ద రచ్చే జరుగుతోంది. ప్రముఖ నటుడు అర్జున్‌పై హీరోయిన్ శృతి హరిహరణ్ లైంగిక వేధింపుల ఆరోపణలు చేసి సంచలనం సృష్టించిన సంగతి తెలిసిందే. అర్జున్‌పై ఆరోపణల నేపథ్యంలో కన్నడ చిత్ర సీమ రెండుగా విడిపోయింది. శాండల్‌వుడ్‌లో కొందరు శృతికి మద్దతు తెలుపుతుంటే.. మరికొందరు అర్జున్ మంచివాడని అంటున్నారు. తాజాగా కన్నడ నటి హర్షిక పునాచా దీనిపై స్పందించింది.
ఆమె పేరు ప్రస్తావించకుండా తీవ్ర విమర్శలు చేసింది. “కొన్ని రోజుల క్రితం ఓ నిర్మాత నాకు ఓ వీడియో చూపించాడు. ఆ వీడియోలో ఇప్పుడు “మీటూ” ఆరోపణలు చేస్తున్న హీరోయిన్ ఉంది. గంజాయి తాగుతూ అర్థనగ్నంగా ఉంది. ఓ వ్యక్తిపై చేతులు వేసి నాకు అవకాశం ఇప్పించమని ప్రాథేయపడుతోంది. నేను “మీటూ” ఉద్యమానికి వ్యతిరేకం కాదు. కానీ, తమ స్వప్రయోజనాల కోసం ఉద్యమాన్ని వాడుకుంటున్నవారికి వ్యతిరేకిని” అంటూ హర్షిక సంచలన కామెంట్స్ చేసింది. ఇది శృతి హరిహరణ్ గురించేనని అందరూ అనుకుంటున్నారు. మరి దీనిపై శృతి ఏమంటుందో చూడాలి.
Home