‘మహానటి’ తరువాత దుల్కర్ సల్మాన్ స్ట్రయిట్ తెలుగు సినిమా చేస్తున్నట్టు ఎప్పటి నుండో ప్రచారం జరుగుతుంది. దానికి సంబంధించిన అధికారిక ప్రకటన ఈ మధ్యనే వచ్చింది. ‘స్వప్న సినిమాస్’ బ్యానర్ పై అశ్వినీదత్ కూతుర్లు అయిన స్వప్న దత్, ప్రియాంక దత్ లు కలిసి ఈ చిత్రాన్ని నిర్మించబోతున్నారు. హనురాఘవ పూడి ఈ చిత్రానికి దర్శకుడు. మిలిటరీ బ్యాక్ డ్రాప్ లో 1964 టైం లో సాగే కథ ఇదని ఇటీవల నిర్మాతలు విడుదల చేసిన పోస్టర్ స్పష్టం చేసింది.
‘యుద్ధంతో రాసిన ప్రేమ కథ’ అనేది ఈ చిత్రం ప్రధాన అంశం అని కూడా వారు తెలియజేసారు. అయితే ఈ చిత్రం హీరో నాని చెయ్యాల్సిందని.. అతను రిజెక్ట్ చేస్తే దుల్కర్ సల్మాన్ తో చేస్తున్నాడు హను’ అంటూ ఇప్పుడు ప్రచారం మొదలైంది. ‘కృష్ణగాడి వీర ప్రేమ గాథ’ చిత్రం హిట్ అయిన టైంలో హను రాఘవపూడితో కలిసి మరో సినిమా చెయ్యబోతున్నట్టు నాని తెలిపాడు. ‘హను చాలా గొప్ప డైరెక్టర్. మేమిద్దరం కలిసి మరో సినిమా చేస్తాం.
ఆల్రెడీ ఓ లైన్ చెప్పాడు. మిలిటరీ బ్యాక్ డ్రాప్ లో సాగే కథ అది. కానీ అది చెయ్యడానికి టైం పడుతుంది’ అంటూ నాని ఓ సందర్భంలో చెప్పుకొచ్చాడు. నాని ఇప్పుడు వరుస సినిమాలతో బిజీగా ఉన్నాడు.. మరో పక్క హను రాఘవపూడికి ఛాన్స్ ఇచ్చే హీరో లేడు… అందుకే దుల్కర్ ను పట్టుకున్నాడని స్పష్టమవుతుంది.
Most Recommended Video
పవర్ స్టార్ సినిమా రివ్యూ & రేటింగ్!
ఎస్.ఎస్.రాజమౌళి సినిమాల IMDB రేటింగ్స్!
తెలుగు సినిమాల్లో నటించిన 27 బాలీవుడ్ హీరోయిన్లు ఎవరో తెలుసా?
