ఎనర్జిటిక్ స్టార్ రామ్ గతేడాది ‘ఇస్మార్ట్ శంకర్’ చిత్రంతో బ్లాక్ బస్టర్ హిట్టందుకున్నాడు. దీంతో మాస్ ఆడియన్స్ కూడా రామ్ సినిమా అంటే ఆసక్తి పెరిగింది. ఇక ‘ఇస్మార్ట్’ తర్వాత రామ్ చేస్తున్న చిత్రం ‘రెడ్’. కిశోర్ తిరుమల డైరెక్షన్లో తెరకెక్కుతోన్న ఈ చిత్రాన్ని ఏప్రిల్ 9న విడుదల చేయబోతున్నట్టు చిత్ర యూనిట్ సభ్యులు ప్రకటించారు. ఇక ఇప్పటికే విడుదల చేసిన టీజర్ కు కూడా మంచి రెస్పాన్స్ వచ్చింది. మణిశర్మ సంగీతం అందిస్తున్న ఈ చిత్రం నుండీ విడుదల చేసిన ఫస్ట్ సింగిల్ కు కూడా అద్భుతమైన స్పందన లభించింది.
దాంతో ఈ చిత్రానికి బిజినెస్ కూడా బాగా జరుగుతుంది. ఇప్పటికే ఆంధ్రా హక్కులని 9 కోట్లకు విక్రయించారు. సీడెడ్ కూడా 4 కోట్లకు అమ్మకాలు జరిగాయి. నైజాం కూడా భారీ రేటు పలుకుతుందని ట్రేడ్ పండితుల సమాచారం. మొత్తం చూసుకుంటే.. ఈ చిత్రం నిర్మాత స్రవంతి రవికిశోర్ కు డబ్బులు మిగిల్చేలానే కనిపిస్తుంది. ఇక నివేదా పేతురాజ్, మాళవికా శర్మ లు హీరోయిన్లుగా నటిస్తున్న ఈ చిత్రంలో రామ్ ద్విపాత్రాభినయం చేస్తున్నాడు. గతంలో కిశోర్ తిరుమల తో రామ్ చేసిన ‘నేను శైలజ’ చిత్రం మంచి హిట్టు కాగా ‘ఉన్నది ఒకటే జిందగీ’ చిత్రం యావరేజ్ గా నిలిచింది. మరి ఈ ‘రెడ్’ చిత్రం వీరికి ఎలాంటి ఫలితాన్ని అందిస్తుందో చూడాలి..!
Most Recommended Video
పలాస 1978 సినిమా రివ్యూ & రేటింగ్!
అనుకున్నది ఒక్కటి అయినది ఒక్కటి సినిమా రివ్యూ & రేటింగ్!
ఓ పిట్టకథ సినిమా రివ్యూ & రేటింగ్!
