పవర్ఫుల్ హీరోల కోసం టాలెంటెడ్ హీరోయిన్స్

December 23, 2020 / 03:38 PM IST

టాలీవుడ్ ఇండస్ట్రీలో మరొక ఇంట్రెస్టింగ్ ప్రాజెక్ట్ వెండితెరపైకి రానుంది. గతంలో ఎప్పుడు లేని విధంగా రానా దగ్గుబాటి, పవన్ కళ్యాణ్ కాంబినేషన్ లో ఒక పవర్ఫుల్ మూవీ రాబోతున్న విషయం తెలిసిందే. మళయాళం హిట్ మూవీ అయ్యప్పనుమ్ కొశీయుమ్ రీమేక్ లో పవన్ పోలీస్ అఫీసర్ గా రానా ఒక ఎక్స్ ఆర్మీ అధికారిగా కనిపించనున్నాడు. ఇక ఈ స్టార్ కాంబో కోసం హీరోయిన్స్ ఎవరైతే బావుంటుందనే విషయంలో అనేక రకాల రూమర్స్ వినిపిస్తున్నాయి.

ముందు నుంచి పవన్ కళ్యాణ్ కు జోడిగా సాయి పల్లవి ఫిక్స్ అని టాక్ వస్తోన్న విషయం తెలిసిందే. అయితే రీసెంట్ గా రానాకు జోడిగా నటించేందుకు ఐశ్వర్య రాజేష్ ను ఫైనల్ చేసినట్లు తెలుస్తోంది. నిజానికి ఈ ఇద్దరు హీరోయిన్స్ కూడా సక్సెస్ ఫెయిల్యూర్స్ తో సంబంధం లేకుండా అవకాశాలు అందుకుంటున్నారు. ఐశ్వర్య రాజేష్ తమిళ్ లో వరుస సక్సెస్ లు అందుకుంటోంది కానీ తెలుగులో మాత్రం సరైన రేంజ్ లో హిట్స్ అందడం లేదు.

శైలజా కృష్ణమూర్తి పెద్దగా విజయం సాధించలేదు. ఇక విజయ్ దేవరకొండ వరల్డ్ ఫేమస్ లవర్ కూడా ఫెయిల్ అవ్వడంతో తెలుగులో ఛాన్స్ లు తగ్గాయి. ఇక ఫైనల్ గా ఈ రీమేక్ లో లక్కీ ఛాన్స్ కొట్టేసినట్లు తెలుస్తోంది. మరి ఆ సినిమా ఎంతవరకు సక్సెస్ అవుతుందో చూడాలి.