న్యాచురల్ స్టార్ నాని, మృణాల్ ఠాకూర్ కాంబినేషన్ లో తెరకెక్కిన హాయ్ నాన్న మూవీ డిసెంబర్ నెల 7వ తేదీన థియేటర్లలో విడుదల కానుంది. తాజాగా ఈ సినిమా ట్రైలర్ విడుదల కాగా ట్రైలర్ ప్రేక్షకులను ఎంతగానో ఆకట్టుకుంటోంది. క్లాస్ ప్రేక్షకులను టార్గెట్ చేసేలా ఈ ట్రైలర్ ఉంది. ట్రైలర్ బీజీఎం నెక్స్ట్ లెవెల్ లో ఉంది. హాయ్ నాన్న ట్రైలర్ లో అన్ని ఎమోషన్స్ కు ప్రాధాన్యత ఇచ్చారు.
తండ్రీ కూతుళ్ల ఎమోషన్స్ ను ట్రైలర్ లో అద్భుతంగా ఆవిష్కరించారు. తార పాత్రలో చిన్నారి నటన నెక్స్ట్ లెవెల్ లో ఉంది. సరికొత్త కథాంశంతో ఈ సినిమా తెరకెక్కిందని ట్రైలర్ చూస్తే అర్థమవుతుంది. మృణాల్ లుక్స్ సీతారామం సినిమాను గుర్తు చేసేలా ఉన్నాయి. ఈ సినిమా ట్రైలర్ అమేజింగ్ గా ఉందని నాని ఫ్యాన్స్ కామెంట్లు చేస్తున్నారు. నాని ఖాతాలో మరో బ్లాక్ బస్టర్ చేరుతుందని ఫ్యాన్స్ ఫిక్స్ అయ్యారు.
ఏదో ఒకరోజు అబద్ధం లేకుండా కథ చెప్పాలి.. చెప్పగలవా అనే డైలాగ్ ప్రేక్షకులను ఎంతగానో ఆకట్టుకుంటోంది. “నిన్ను ప్రేమించినందుకు తను అనుభవించింది చాలు”, “నేనంటే అమ్మకు ఎందుకు ఇష్టం లేదు” లాంటి సింపుల్ డైలాగ్స్ ఎమోషన్స్ తో ప్రేక్షకులను కట్టిపడేసేలా ఉన్నాయి. దసరా సినిమాతో కెరీర్ బిగ్గెస్ట్ హిట్ అందుకున్న నాని (Hi Nanna) హాయ్ నాన్న మూవీతో మ్యాజిక్ రిపీట్ చేయాలని ఫ్యాన్స్ ఫీలవుతున్నారు.
2023 బెస్ట్ మూవీలలో హాయ్ నాన్న ఒకటిగా నిలిచే ఛాన్స్ ఉంది. ట్రైలర్ లో కథను పూర్తిస్థాయిలో రివీల్ చేయకపోయినా ఫ్యామిలీతో కలిసి సినిమా చూడాలని భావించే ప్రేక్షకులకు ఈ సినిమా బెస్ట్ ఆప్షన్ గా నిలిచే ఛాన్స్ అయితే ఉంది. ఇప్పటికే ఈ సినిమాకు బిజినెస్ కూడా పూర్తైంది. హాయ్ నాన్న కమర్షియల్ గా కూడా సక్సెస్ సాధించి నాని కెరీర్ లో మరో బ్లాక్ బస్టర్ హిట్ గా నిలవాలని ఆశిద్దాం.
మంగళవారం సినిమా రివ్యూ & రేటింగ్!
స్పార్క్ సినిమా రివ్యూ & రేటింగ్!
సప్త సాగరాలు దాటి సైడ్ బి సినిమా రివ్యూ & రేటింగ్!
