విలక్షణ నటుడు అనగానే మనకి ముందుగా గుర్తొచ్చే పేరు ప్రకాష్ రాజ్. ఇప్పటి వరకూ ఈయన చెయ్యని పాత్ర ఏమీ లేదేమో అనే సందేహం అప్పుడప్పుడు కలుగుతుంటుంది అని చెప్పడంలో సందేహం లేదు. తాత, మావగారు, అల్లుడు, కొడుకు అబ్బో ఇలా చెప్పుకుంటూ పొతే పెద్ద లిస్టే వస్తుంది. అయితే ఎటువంటి పాత్రకైనా వందకు వంద శాతం న్యాయం చేస్తాడు ప్రకాష్ రాజ్… అని చెప్పడంలో కూడా అతిశయోక్తి లేదు. ఈయన చాలా బిజీ ఆర్టిస్ట్. ఒక్క తెలుగులోనే కాదు.. తమిళ, హిందీ, మలయాళం లో కూడా సినిమాలు చేసి మంచి గుర్తింపు తెచ్చుకున్నాడు. డైరెక్టర్ గానే కాకుండా ప్రొడ్యూసర్ గా కూడా పలు చిత్రాలు రూపొందించాడు.
ఈ నేపధ్యంలో ప్రకాష్ రాజ్ తమిళంలో ‘నడిగర్’ అనే చిత్రాన్ని రూపొందించాడు. ఈ చిత్రానికి ఓ బాలీవుడ్ ఫైనాన్సియర్ వద్ద 5 కోట్లు అప్పుగా తీసుకున్నట్టు తెలుస్తుంది. ఈ క్రమంలో ఓ చెక్ ను కూడా ఇచ్చారట ప్రకాష్ రాజ్. కాని అది బౌన్స్ అవ్వడంతో ఆ ఫైనాన్సియర్ మద్రాసు హై కోర్ట్ లో పిటిషన్ దాఖలు చేసాడట. దీంతో ఏప్రిల్ 2న కోర్టుకి హాజరుకావాల్సింది గా కోర్టు ప్రకాష్ రాజ్ కు నోటీసులు పంపినట్టు సమాచారం.
Most Recommended Video
‘హిట్ ’ సినిమా రివ్యూ & రేటింగ్!
‘భీష్మ’ సినిమా రివ్యూ & రేటింగ్!
‘టాలీవుడ్ స్టార్ హీరోల రెమ్యూనరేషన్లు!
