మెగాస్టార్ చిరంజీవి పదేళ్ల తర్వాత హీరోగా నటించిన ఖైదీ నంబర్ 150 మూవీ బాక్స్ ఆఫీస్ రికార్డులను బద్దలు కొట్టింది. మాస్ డైరక్టర్ వి.వి.వినాయక్ దర్శకత్వంలో తెరకెక్కిన ఈ చిత్రం జనవరి 11న రిలీజ్ అయి భారీ కలక్షన్స్ రాబట్టింది. మెగా పవర్ స్టార్ రామ్ చరణ్ తేజ్ నిర్మించిన చిరు 150వ సినిమా 164 కోట్ల గ్రాస్, 104 కోట్ల షేర్ వసూలు చేసి మెగాస్టార్ సత్తాని నిరూపించింది. ఇప్పుడు ఈ చిత్రం శాటిలైట్ హక్కులు భారీ ధరకు అమ్ముడు పోయింది. 12 కోట్ల రూపాయలను చెల్లించి ఖైదీ నంబర్ 150 ని మాటీవీ వారు సొంతం చేసుకున్నారు. ఇదివరకు చిరంజీవి ఏ సినిమా ఇంత ధర పలకలేదు.
కలక్షన్ల పరంగానే కాకుండా శాటిలైట్ హక్కులు కూడా అధిక ధరకు అమ్ముడుపోవడంతో చిత్ర బృందం ఆనందంలో ఉంది. ప్రస్తుతం చిరంజీవి ఉయ్యాలవాడ నరసింహారెడ్డి గా నటించేందుకు సిద్ధమవుతున్నారు. ఈ మూవీ పోస్ట్ ప్రొడక్షన్ పనుల్లో సురేందర్ రెడ్డి, పరుచూరి బ్రదర్స్ బిజీగా ఉన్నారు.
