పవర్ స్టార్ పవన్ కళ్యాణ్ మాజీ భార్య రేణు దేశాయ్ అభిమానుల నుంచి వస్తున్న విన్నపాలకు విసుగెత్తిపోయారు. పవన్ భార్య అని పిలుపును ఎన్ని సార్లు తిరస్కరించినా ఫ్యాన్స్ మారకపోవడంతో సోషల్ మీడియాలో అందరికీ పెద్ద లేఖను రాశారు. అందులో ఏముందంటే.. ” అందరికీ నమస్కారం…నాలుగేళ్లుగా ఫేస్‌బుక్, ట్విటర్‌ లాంటి సోషల్ మీడియాలో నా వ్యక్తిగత జీవితానికి సంబంధించి వరుసగా అభ్యర్థనలు, విన్నపాలు ఎడతెరిపి లేకుండా కురుస్తూనే ఉన్నాయి. నేను ఎన్నిసార్లు వివరణ ఇచ్చినా ఇవి ఆగడం లేదు. అందుకే మరోసారి స్పష్టంగా నా అభిప్రాయాన్ని చెప్పడానికి ఈ పోస్ట్ పెడుతున్నాను. మీరు నిరంతరం నా పట్ల చూపిస్తున్న ప్రేమాభిమానాలకు, నాకు అందిస్తున్న సహాయ సహకారాలకు నా కృతజ్ఞతలు. కల్యాణ్‌గారు నాలుగేళ్లక్రితం ‘ఆనా’ను పెళ్లి చేసుకున్నారు. వారికి కూతురు కూడా ఉంది. ఆయన వివాహ బంధాన్ని, ఆయన కుమార్తెకు జన్మనిచ్చిన తల్లిని గౌరవిస్తూ నేను మీకు చేసుకునే విన్నపం ఒక్కటే.
నేను, కల్యాణ్‌గారు తిరిగి ఏకం కావాలని మీరు కోరుకోవద్దు. దయచేసి మీరు ఒక విషయం అర్థం చేసుకుని ఆమోదించాలి. అదేంటంటే కల్యాణ్‌గారి భార్య ‘ఆనా’… నేను కాదు. నన్ను తిరిగి కల్యాణ్‌గారి దగ్గరకు వెళ్లమని మాటిమాటికీ మీరు కోరడం సబబు కాదు. భవిష్యత్‌లో ఈ విషయమై ఎలాంటి ఇబ్బందులు కలిగించే ఒత్తిడితో కూడిన కోరికలేవీ మీ వద్ద నుంచి ఎదురు కావని ఆశిస్తున్నాను.” అంటూ పోస్ట్ లో తన మనసులోని మాటను బయటికి చెప్పారు. ఆమె అభిప్రాయాన్ని కొంతమంది స్వాగతించగా మరికొంతమంది.. “ఎప్పటికీ మా వదిన మీరే” అంటూ కామెంట్స్ చేయడం విశేషం.
Also, do SUBSCRIBE to our YouTube channel to get latest Tollywood updates.
