మనసులోని ప్రేమను బయట పెట్టిన సమంత

టాలీవుడ్ క్రేజీ బ్యూటీ సమంతకు ప్రస్తుతం శుభఘడియలు నడుస్తున్నాయి. త్వరలో కల్యాణ ఘడియలు రాబోతున్నాయి. ఈ ఆనందంలో సోషల్ మీడియా వేదికగా స్యామ్ అభిమానులతో బుధవారం కాసేపు  ముచ్చటించారు. ఫ్యాన్స్ అడిగిన అనేక విషయాలపై మనసువిప్పి మాట్లాడారు. మీకు కెరీర్ లో మంచి సలహా ఎవరు ఇచ్చారు? అదేమిటి? అని ఓ అభిమాని అడిగిన ట్వీట్ కి సమంత స్పందిస్తూ.. ” చేసే ప్రతి సినిమాను తొలి సినిమాగా భావించని సూపర్ స్టార్ మహేష్ బాబు ఇచ్చిన సలహా నేను మరిచి పోలేను” అని చెప్పారు.

మళ్లీ పవర్ స్టార్ పవన్ కళ్యాణ్ తో కలిసి నటిస్తున్నారా ? అని ఈ భామను అడగగా.. ఆ వార్తల్లో నిజం లేదని స్పష్టం చేశారు. ఇప్పుడు తెలుగులో  ఏ సినిమాకు సైన్ చేయలేదని వెల్లడించారు. అవి లేకుంటే మీరు ఉండలేరు అనేటువంటి మూడింటి గురించి చెప్పమని ఓ ఫ్యాన్ క్రేజీ ప్రశ్న అడగగా.. అందుకు ఈ బ్యూటీ అంతే క్రేజీగా సమాధానం చెప్పింది. “చైతు, ఐస్ క్రీమ్, పని.. ఇవి లేకుంటే నేనుండలేను” అని రీట్వీట్ చేసి ప్రియుడు నాగ చైతన్య పై తనలోని ప్రేమను బయటపెట్టింది.