బిగ్ బాస్ షో చేయడం ఛాలెంజ్ గా తీసుకుంటున్నా: ఎన్టీఆర్

టీవీ హోస్టింగ్ ఎలా చేయాలో తనకు తెలియదని ఎన్టీఆర్ చెప్పారు. సినిమాలో నటుడిగా ఎన్నో అవార్డులు అందుకున్న తారక్ బుల్లి తెరలో ప్రవేశించడాన్ని ఛాలెంజింగ్ గా తీసుకుంటున్నట్లు తెలిపారు. స్టార్ మా ఛాన ల్లో ఈనెల జులై 16  ప్రసారం కానున్న రియాలిటీ షో వివరాలను వెల్లడించడానికి నేడు విలేకరుల సమావేశాన్ని ఏర్పాటు చేశారు. అందులో రిపోర్టర్స్ అడిగిన ప్రశ్నలకు ఎన్టీఆర్ సరదాగా సమాధానాలు చెప్పారు. “బిగ్ బాస్ షోలో పాల్గొనే పార్టిసిపెంట్స్ నాకు కూడా తెలియదు. అలాగే షోలో ఎవరు ఎలిమినేట్ అవుతారో అదికూడా డైరక్టర్ నాకు చెప్పరంట. ఇంకా నేను బిగ్ హౌస్ కి వెళ్లలేదు. ఫోటోలు మాత్రం చూసాను” అని తర్క చెప్పారు.

పూణే లోని బిగ్ బాస్ హౌస్ సెట్ కి ఈనెల 13 న వెళుతానని చెప్పారు. ఇక రెమ్యునరేషన్ గురించి అడిగితే.. తన భార్య, పిల్లలను చూసుకునేందుకు అవసరమైన పారితోషికం ఇస్తున్నారని చమత్కరించారు. సల్మాన్‌ ‘బిగ్‌బాస్‌’ ఎంత సక్సెస్‌ అయ్యిందో, తన షో కూడా అంతే విజయవంతమవుతుందని ఎన్టీఆర్‌ చెప్పారు. అభిమానులకోసం బిగ్ బాస్ సెట్స్ పై తాను డ్యాన్సులు చేస్తానని స్పష్టం చేశారు.

Also, do SUBSCRIBE to our YouTube channel to get latest Tollywood updates.