కింగ్ ఖాన్.. బాలీవుడ్ బాద్షా.. ఇలాంటి కొసరు పేర్లున్నా అసలు పేరు షారుక్ ఖాన్. బాలీవుడ్ అగ్ర హీరోల్లోనే షారుక్ ఒకరు. అతడు స్క్రీన్ పై కనపడితేనే తమని తాము మరిచిపోయే వారున్నారు. అలాంటి స్టార్ తో తెర పంచుకోవాలని ఎవరికి మాత్రం ఉండదు. ముఖ్యంగా అందాల ‘ఆడ’బొమ్మలకు. అయితే తనకు మాత్రం ఆ అదృష్టం లేదని వాపోతుంది అనిల్ కపూర్ తనయ సోనమ్ కపూర్.
బాలీవుడ్ స్టైలిష్ ఐకాన్ గా పిలువబడే సోనమ్ కపూర్ కి షారుక్ అంటే ఎంతో అభిమానమాట. విజయాల మాట ఎలా ఉన్నా అవకాశాలకు కొదువ లేకుండా ఉండే ఈ సొగసరి షారుక్ తో జత కట్టాలని ఎప్పటినుండో తహతహలాడుతోంది. ఈ మేరకు పలు అవకాశాలు కూడా వచ్చాయట. అయితే షారుక్ మాత్రం తనను తప్పిస్తున్నట్టు చెప్పుకొచ్చింది. అదేమిటంటే సినిమాలో హీరోయిన్ ఎవరన్నది ఉండేది హీరోల చేతుల్లోనే కదా అని సమాధానమిస్తొంది. ఇదే నిజమనుకుంటే షారుక్, సోనమ్ ని ఎందుకు దూరంగా ఉంచుతున్నట్టు..? స్టార్ల వారసులతో చేయను అనుకుంటే అలియాతో ‘డియర్ జిందగీ’ చేశాడుగా. షారుక్ సమస్యేమిటో మీకైనా తెలుసా..?
https://www.youtube.com/watch?v=_0M0szJr1Zw
