చేసిన తప్పుకు ఇప్పటికీ శిక్ష అనుభవిస్తున్న రష్మిక మండన్న

“ఛలో” చిత్రంతో తెరకు పరిచయమైన ఈ అమ్మడు అందంతో కాకుండా క్యూట్ నెస్ తో ఆకట్టుకొంది. తొలి చిత్రంతోనే అభిమానుల్ని సంపాదించుకొన్న ఈ క్యూట్ హీరోయిన్ చేతిలో ప్రస్తుతం రెండు సినిమాలున్నాయి. ఇటీవల “గీత గోవిందం”తో హిట్ కొట్టిన విజయ్ దేవరకొండతోనే “డియర్ కామ్రేడ్” అనే సినిమా చేస్తున్న రష్మిక.. ఆ సినిమాతోపాటు మరో రెండు క్రేజీ ప్రొజెక్ట్స్ కి కూడా రష్మిక పేరు హీరోయిన్ గా వినిపిస్తోంది.

ఇంత భారీ సక్సెస్, స్టార్ డమ్ వచ్చిన తర్వాత కూడా రష్మిక ఇంకా బాధపడుతూనే ఉంది. ఆమె బాధకు కారణం ఆమె ఇటీవల క్యాన్సిల్ చేసుకొన్న ఎంగేజ్ మెంట్. ఏకంగా రక్షిత్ శెట్టి స్వయంగా రష్మిక తప్పులేదు, ఆమెను ఏమీ అనకండి” అని క్లారిటీగా సమాధానం చెప్పినప్పటికీ.. రక్షిత్ శెట్టి అభిమానులతోపాటు కొందరు సినిమా ఫ్యాన్స్ కూడా రష్మికపై పగబట్టేశారు. ఆమె ప్రతి పోస్ట్ కింద నెగిటివ్ కామెంట్స్ పెట్టడమే కాదు పచ్చి బూతులు తిడుతున్నారట. ఈ విషయం మొదట్లో పట్టించుకోకపోయినా.. ప్రతిసారి ఇలానే అవుతుండడంతో రష్మిక బాధపడుతుందట. అయితే.. పెద్దగా సీరియస్ గా పట్టించుకోదు కాబట్టి సరిపోతుంది.