టాలీవుడ్ బెస్ట్ కపుల్స్ లో రాంచరణ్, ఉపాసన కూడా ఉంటారు అనడంలో సందేహంలేదు. సమాజం పట్ల, తన భర్త ఫ్యామిలీ, ఆరోగ్యం పట్ల అలాగే అభిమానుల పట్ల కూడా ఉపాసన చాలా శ్రద్దగా వ్యవహరిస్తుంటుంది. ఇక చరణ్ – ఉపాసన అన్యోన్యత గురించి కూడా అంతా తెలిసిందే. ఇటీవల ప్రేమికుల దినోత్సవం సందర్భర్భం గా చరణ్ తో తన అనుబంధం గురించి ప్రత్యేకంగా వివరిస్తూ వచ్చింది ఉపాసన. ప్రేమలో పడడం కాదు.. ప్రేమలో ఎదగాలి, ప్రేమని గెలవాలి అంటూ చరణ్ తనతో ఎప్పుడూ చెప్తూ ఉంటాడని ఉపాసన తెలిపింది.
తాజాగా ఓ ఆంగ్ల మ్యాగజైన్ కి ఇచ్చిన ఇంటర్వ్యూలో ఉపాసన తమ బంధం గురించి అడిగిన ప్రశ్నలకు ఆసక్తికరమైన సమాధానాలిచ్చింది. ఇందులో భాగంగా… భార్యా భర్తలుగా మీరిద్దరూ ఒకరినుండీ.. ఒకరు ఏం నేర్చుకున్నారు అని ఉపాసనాను ప్రశ్నించగా… ‘రామ్ నుండీ సహనంగా ఉండటం నేర్చుకున్నా. తాను నా నుండీ ఎలా సంతోషంగా ఉండాలో నేర్చుకున్నాడు’ అంటూ చెప్పుకొచ్చింది. ఇక చరణ్ – ఉపాసన కొత్త సంవత్సరంలో కొత్తగా ఫిట్ నెస్ గోల్స్ తో ముందుకు సాగుతున్నారు. బాడీ ఫిట్ గా ఉండడానికి చరణ్ నుండే నేర్చుకున్నానని ఉపాసన తెలిపింది. దానికి సంబందించిన డైట్ ప్లాన్ మొత్తం తనే తయారు చేస్తానని తెలిపింది. అంతే తానొక స్టార్ అనే విషయాన్ని గుర్తుచేసుకోకుండా ప్రతీ సినిమాకి చరణ్ చాలా కష్టపడతాడని… ఎప్పుడూ తన అభిమానుల గురించే ఆలోచిస్తూ ఉంటాడని ఉపాసన తెలియజేసింది.
