“సుడిగాడు” తర్వాత సినిమాల పరంగా అల్లరి నరేష్ సుడి అంత బాగోలేదు. నటిస్తున్న సినిమాలు వరుసబెట్టి అట్టర్ ఫ్లాపులవుతూ రావడంతోపాటు.. కాస్తో కూస్తో క్రేజ్ దక్కించుకొన్న “ఇంట్లో దెయ్యం నాకేం భయం” సినిమా ఏకంగా నెలరోజులపాటు పోస్ట్ పోన్ అవ్వడం వంటి విషయాల కారణంగా అల్లరి నరేష్ కెరీర్ లో 2016 అంత హ్యాపీగా గడవలేదు. కాకపోతే.. వైవాహిక జీవితంలో మాత్రం అల్లరోడు సరదాగా గడిపేస్తున్నాడు. ఈమధ్యే పాప కూడా పుట్టడంతో ఈదర వారింట్లో ఆనందం వెల్లివిరిసింది.
ఇప్పుడు సరిగ్గా సంవత్సరం చివర్లో అనగా డిసెంబర్ 30న “ఇంట్లో దెయ్యం నాకేం భయం” కూడా విడుదలవుతుండడంతోపాటు అనీష్ కృష్ణ దర్శకత్వంలో నటించాల్సిన సినిమా కూడా ప్రీ ప్రొడక్షన్ వర్క్ ఫినిష్ అయిపోవడంతో.. ఆ సినిమా మొదలయ్యేలోపు అల్లరి నరేష్ భార్యతో కలిసి ఒక 15 రోజులపాటు ఏ ఫారిన్ కో ట్రిప్ వేద్దామని ఫిక్స్ అయ్యాడట. అందుకే ఫిబ్రవరి నెలాఖరు వరకూ ఎలాంటి సినిమాలు మొదలుపెట్టకూడదని దర్శకనిర్మాతలకు సూచించాడట. సో, రెండు నెలల గ్యాప్ తీసుకొని ఆ తర్వాత నుంచి మునుపటి తరహాలో వరుస సినిమాలతో దూసుకుపోవాలన్నది నరేష్ ప్లాన్!
Also, do SUBSCRIBE to our YouTube channel to get latest Tollywood updates.
