మన శ్రీకుష్ణుడికి 16000 మంది లవర్స్ అదేనండీ గోపికలు ఉండేవారట. ఆయన తర్వాత ఆ కౌంట్ ని ఎవరూ క్రాస్ చేయలేకపోయారు. మన సినిమాల్లోనూ ఇప్పటివరకూ మహా అయితే ఒక అయిదుగురు హీరోయిన్లు కనిపించారు కానీ.. ఆ ఫిగర్ మాత్రం క్రాస్ చేయలేదు. కానీ.. తమిళ స్టార్ హీరో విజయ్ మాత్రం కొత్త రికార్డ్ ను క్రియేట్ చేయడానికి రెడీ అవుతున్నాడు. తనకు “తెరీ, మెర్సల్” లాంటి కమర్షియల్ బ్లాక్ బస్టర్స్ ఇచ్చిన అట్లీ దర్శకత్వంలో విజయ్ ముచ్చటగా మూడో సినిమా చేయనున్న విషయం తెలిసిందే.
ఫుట్ బాల్ గేమ్ నేపధ్యంలో రూపొందనున్న ఈ చిత్రంలో విజయ్ కోచ్ గా నటిస్తున్నాడు. సో కోచ్ అంటే స్టూడెంట్స్ ఉండాలి కదా. అందుకే 16 మంది హీరోయిన్స్ ను ప్లేయర్స్ గా సెలక్ట్ చేస్తున్నారు. ఈ 16 మంది కాకుండా మరో ఇద్దరు మెయిన్ హీరోయిన్స్ కూడా ఉంటారు. వచ్చే నెల నుంచి రెగ్యులర్ షూటింగ్ మొదలవ్వనున్న ఈ చిత్రం బాలీవుడ్ లో షారుక్ ఖాన్ నటించిన “చక్ దే ఇండియా’ ఫార్మాట్ లో ఉండబోతోందట. మరి ఈ సినిమా కూడా చక్ దే ఇండియా రేంజ్ సినిమాగా నిలుస్తుందో లేదో చూడాలి.
