అక్టోబర్ 2న విడుదలవుతున్న “సైరా నరసింహారెడ్డి” అనంతరం చిరంజీవి నటించబోయే 152వ సినిమా కోసం జనాలు చాలా ఆసక్తిగా ఎదురుచూస్తున్నారు. అందుకు కారణం ఈ చిత్రానికి దర్శకుడు కొరటాల శివ కావడమే కాక ఈ సినిమా కోసం చిరంజీవి బరువు తగ్గి.. శంకర్ దాదా టైమ్ లో ఉన్న లుక్ లోకి వచ్చేయడం. ఈ రెండు కారణాల వల్ల జనాలు ప్రస్తుతం ఈ ప్రొజెక్ట్ గురించే ఎక్కువగా మాట్లాడుకొంటున్నారు. అయితే.. ఈ క్రేజీ ప్రొజెక్ట్ గురించి ఒక ఆశ్చర్యకరమైన అప్డేట్ తెలిసింది. నిజానికి ఈ చిత్రంలో కథానాయికగా నయనతారను అనుకొన్నారు.. కానీ ఆఖరి నిమిషంలో కారణాంతరాల వలన నయనతార ప్రొజెక్ట్ నుంచి తప్పుకొందని.. ఆమె స్థానంలో ఇలియానా వచ్చిందని తెలుస్తోంది.
చిరంజీవి సరసన ఇలియానా సరిపోతుందా అని డౌట్ మొదట్లో వచ్చినప్పటికీ.. ప్రస్తుతం ఆయన లుక్ కి కొత్త హీరోయిన్లు కూడా సరిపోయేలా ఉన్నారు. ఇలియానా కూడా టాలీవుడ్ లో ఒక పెద్ద సినిమా కోసం ఎదురుచూస్తుండడంతో ఏకంగా మెగాస్టార్ సినిమా అనేసరికి వెంటనే ఒకే చెప్పేసిందట. మరి ఈ వార్తలో నిజం ఎంత అనేది తెలియాలంటే అఫీషియల్ కన్ఫర్మేషన్ వచ్చే వరకూ వెయిట్ చేయాల్సిందే.
