టాలీవుడ్ యంగ్ హీరోల నుంచి స్టార్ హీరోల వరకు అందరు హీరోలు పాన్ ఇండియా సినిమాలలో నటించడానికి తెగ ఆసక్తి చూపిస్తున్నారు. పాన్ ఇండియా సినిమా సక్సెస్ అయితే మార్కెట్ భారీగా పెరగడంతో పాటు శాటిలైట్, డిజిటల్ రైట్స్ ద్వారా భారీగా ఆదాయం వచ్చే అవకాశం ఉంది. ఒకవేళ పాన్ ఇండియా సినిమా ఫ్లాప్ టాక్ ను మూటగట్టుకుంటే మాత్రం ఆ సినిమాను నిర్మించిన నిర్మాత భారీగా నష్టపోయే ఛాన్స్ ఉంది. అయితే టాలీవుడ్ హీరో కళ్యాణ్ రామ్ ప్రస్తుతం పాన్ ఇండియా మూవీ బింబిసారలో నటిస్తున్నారు.
నందమూరి హీరో కళ్యాణ్ రామ్ కు మాస్ హీరోకు కావాల్సిన లక్షణాలన్నీ పుష్కలంగా ఉన్నా భారీగా విజయాలను సొంతం చేసుకోలేక పోవడం వల్ల స్టార్ హీరో కాలేకపోయారు. ప్రస్తుతం కళ్యాణ్ రామ్ వశిష్ట్ అనే కొత్త డైరెక్టర్ డైరెక్షన్ లో తెరకెక్కుతున్న బింబిసార సినిమాలో నటిస్తున్నారు. నిన్న రిలీజైన బింబిసార పోస్టర్ సినిమాపై భారీగా అంచనాలను పెంచింది. అయితే కళ్యాణ్ రామ్ ఈ సినిమా విషయంలో తీసుకున్న నిర్ణయం రైటా..? రాంగా..? అనే కామెంట్లు వినిపిస్తున్నాయి.
బింబిసార లాంటి సినిమాను కళ్యాణ్ రామ్ ఎంచుకోవడం కరెక్ట్ అయినా కొత్త డైరెక్టర్ డైరెక్షన్ లో కాకుండా పేరున్న డైరెక్టర్ డైరెక్షన్ లో ఈ సినిమాలో నటించడానికి కళ్యాణ్ రామ్ గ్రీన్ సిగ్నల్ ఇచ్చి ఉంటే బాగుండేదని నందమూరి ఫ్యాన్స్ అభిప్రాయపడుతున్నారు. మగధీర లో చరణ్, బాహుబలిలో ప్రభాస్ లా బలమైన కవచాన్ని ధరించి కత్తి పట్టిన కళ్యాణ్ రామ్ బింబిసారతో ఎలాంటి రిజల్ట్ ను సొంతం చేసుకుంటారో చూడాల్సి ఉంది. భారీ బడ్జెట్ తో ఈ సినిమా తెరకెక్కుతుండగా ఈ సినిమా మరో మగధీర లేదా బాహుబలి అవుతుందా అనే ప్రశ్నలు ఇండస్ట్రీ వర్గాల్లో వినిపిస్తున్నాయి.
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
