‘చావు కబురుచల్లగా’ సినిమా ప్రచారం జోరు మీద సాగుతున్న సమయంలో సుకుమార్ టీమ్‌ నుండి ఓ పోస్టర్‌ లాంచ్‌ అయ్యింది. ‘చావు కబురు చల్లగా’ హీరోతో సుకుమార్ ఓ సినిమా చేయబోతున్నారు అనేది ఆ పోస్టర్‌ సారాంశం. ఆ సినిమాకు సుకుమార్ శిష్యుడు ఒకరు డైకర్షన్‌ చేస్తారని అందులో రాసుకొచ్చారు. మిగిలిన వివరాలు ఏవీ చెప్పలేదు. కథ, కథనం, నటీనటుల, సాంకేతిక వర్గం ఇలా ఏవీ అందులో లేవు. ముందుగా ప్రకటించేయాలని అలా చేశారేమో అనుకున్నారు అంతా. అయితే అసలు ఆ సినిమా ఉంటుందా? లేదా అనేది ఇప్పుడు తెలియడం లేదు అంటున్నాయి టాలీవుడ్‌ వర్గాలు.
‘చావు కబురు చల్లగా’ సినిమాకు హైప్‌ తీసుకురావడానికే సుకుమార్ టీమ్‌ నుండి అలా పోస్టర్‌ లాంచ్‌ చేయించారు అనేది ఇప్పుడు వస్తున్న వార్త. నిజానికి ఆ సినిమా కథ, కథనం, దర్శకుడు ఇలా ఏదీ చెప్పకుండా పోస్టర్‌ రావడం వెనుక ఇదే జరిగింది అంటూ పుకార్లు షికార్లు చేస్తున్నాయి. మరి ఈ సినిమా ఉందా లేదా అనే విషయం కార్తికేయ కానీ, సుకుమార్ కానీ చెప్పాలి. మరోవైపు కార్తికేయ చేతిలో ప్రస్తుతం ఒక సినిమానే ఉంది. ‘వాలిమై’లో అజిత్‌తో నటిస్తున్నాడు కార్తికేయ.
‘ఆర్‌ఎక్స్‌ 100’తో టాలీవుడ్‌లోకి ప్రవేశించిన కార్తికేయ… ప్రామిసింగ్‌ హీరోలా కనిపించాడు. మంచి కథలు ఓకే చేసుకుంటూ ముందుకెళ్తే స్టార్‌గా మారే అవకాశాలు ఉన్నాయి అనుకున్నారు. అయితే తొలి సినిమా తర్వాత ఇప్పటివరకు సరైన హిట్‌కాదు కదా, విజయం కూడా అందులోకోలేదు. ‘గ్యాంగ్ లీడర్‌’లో విలన్‌గా మెప్పించడం ఒక్కటే కార్తికేయ జీవితంలో పాజిటివ్‌ అంశం. చూద్దాం.. కార్తికేయ వేగంగా పరిస్థితులు అర్థం చేసుకొని హిట్‌ ట్రాక్‌లోకి వస్తాడేమో.
Most Recommended Video
వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home