రాజా ది గ్రేట్ తరువాత క్రాక్ సినిమాకు ముందు రవితేజ నటించిన సినిమాలేవీ బాక్సాఫీస్ వద్ద హిట్ కాలేదనే సంగతి తెలిసిందే. క్రాక్ సక్సెస్ తో రవితేజ ఫ్యాన్స్ సైతం చాలా సంతోషిస్తున్నారు. రవితేజ కెరీర్ లో కిక్ బిగ్గెస్ట్ హిట్ కాగా క్రాక్ ఆ సినిమాను మించిన విజయాన్ని సొంతం చేసుకుంది. క్రాక్ సినిమా నిర్మాతలతో పాటు బయ్యర్లకు కూడా భారీ మొత్తంలో లాభాలను అందించడం గమనార్హం. క్రాక్ సినిమా ట్రైలర్ తోనే అంచనాలను పెంచగా సినిమా అంచనాలను మించి విజయం సాధించింది.
క్రాక్ సినిమాలో రవితేజ లుక్స్ సైతం ప్రేక్షకులను ఎంతగానో ఆకట్టుకున్నాయి. రవితేజ ముఖంలో మునుపటి గ్రేస్ వచ్చిందని వయస్సు పెరుగుతున్నా క్రాక్ సినిమాలో రవితేజ యంగ్ గా కనిపించారని కామెంట్లు వినిపించాయి. ప్రస్తుతం రవితేజ రమేష్ వర్మ డైరెక్షన్ లో ఖిలాడీ సినిమాలో నటిస్తున్నారు. ఈ సినిమా రిలీజ్ డేట్ ఫిక్స్ కావాల్సి ఉంది. డింపుల్ హయతి, మీనాక్షి చౌదరి ఈ సినిమాలో హీరోయిన్లుగా నటిస్తున్నారు. రవితేజ ఈ సినిమాలో ద్విపాత్రాభినయం చేస్తున్నారు.
అయితే రవితేజ రమేష్ వర్మ కాంబినేషన్ లో కొన్నేళ్ల క్రితం వీర సినిమా తెరకెక్కి ఫ్లాప్ రిజల్ట్ ను అందుకుంది. రవితేజ ఖిలాడీ మూవీతో ఆ చేదు జ్ఞాపకంను ఖచ్చితంగా తుడిచివేస్తారని ఫ్యాన్స్ భావిస్తున్నారు. క్రాక్ సక్సెస్ తో జోరుమీదున్న రవితేజ మరో బ్లాక్ బస్టర్ హిట్ ను ఖాతాలో వేసుకుంటారో లేదో చూడాల్సి ఉంది. ఈ సినిమా రిలీజ్ డేట్ కు సంబంధించిన ప్రకటన కోసం రవితేజ ఫ్యాన్స్ ఆసక్తిగా ఎదురు చూస్తున్నారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
