ప్రముఖ దర్శకనిర్మాత కరణ్ జోహార్ ‘కాఫీ విత్ కరణ్’ అనే టాక్ షోని హోస్ట్ చేస్తుంటారు. కొన్ని రోజుల క్రితం ఈ టాక్ షోని ఆపేస్తున్నట్లు సోషల్ మీడియాలో అనౌన్స్ చేసి ప్రాంక్ చేశారు. ఆ తరువాత కాసేపటికే ఓటీటీ ప్లాట్ ఫామ్ హాట్ స్టార్ కోసం ఈ షో చేస్తున్నట్లు.. ఇకపై ప్రతి ఎపిసోడ్ అందుకే స్ట్రీమింగ్ అవుతుందని చెప్పారు. ఈ క్రమంలో ముందుగా సౌత్ సెలబ్రిటీలను ఇంటర్వ్యూలు చేస్తున్నారు.
ఇప్పటికే విజయ్ దేవరకొండ, అనన్య పాండేలను ఇంటర్వ్యూ చేశారు. అలానే రీసెంట్ గా సమంత కూడా ఈ షోలో పాల్గొందని.. దానికి సంబంధించిన షూటింగ్ పూర్తయిందని సమాచారం. త్వరలోనే ఈ ఎపిసోడ్స్ ను ప్రసారం చేయనున్నారు. రామ్ చరణ్, ఎన్టీఆర్, అల్లు అర్జున్ ఇలా టాలీవుడ్ టాప్ హీరోలందరినీ తన షోకి తీసుకురావాలనుకుంటున్నారు కరణ్. ఇప్పుడు ఆయన లిస్ట్ లో మరో సెలబ్రిటీ యాడ్ అయింది. ఆమె మరెవరో కాదు..
టాలెంటెడ్ యాక్ట్రెస్ సాయిపల్లవి. ఈ బ్యూటీని తన షోకి గెస్ట్ గా పిలవలనుకుంటున్నారు కరణ్. రీసెంట్ గా సాయి పల్లవి నటించిన ‘విరాటపర్వం’ సినిమా ట్రైలర్ రిలీజ్ అయినప్పుడు.. కరణ్ సాయిపల్లవిని ఉద్దేశిస్తూ ట్విట్టర్ లో పోస్ట్ పెట్టారు. సాయిపల్లవికి ఫ్యాన్ అయిపోయానని రాసుకొచ్చారు.
‘విరాటపర్వం’లో సాయిపల్లవితో పాటు నటించిన రానాతో కరణ్ కి మంచి బాండింగ్ ఉంది. ఇప్పుడు రానా, సాయిపల్లవిలను జంటగా తన షోకి తీసుకురావాలనుకుంటున్నారు. దీనికి రానా నో చెప్పే ఛాన్స్ లేదు. మరి సాయిపల్లవి కూడా రానాతో పాటు ఇంటర్వ్యూ ఇస్తుందేమో చూడాలి. వీరితో పాటు రష్మిక, తమన్నా, పూజాహెగ్డే లాంటి స్టార్స్ ను ఇంటర్వ్యూలు చేయనున్నారు.
Most Recommended Video
విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
