తాజాగా ఐటీ అధికారులు పలువురు సినీ సెలెబ్రిటీల ఇళ్ళ పై మరియు ఆఫీసులపై సోదాలు నిర్వహించడం పెద్ద చర్చనీయాంశం అయ్యింది. ఈ లిస్ట్ లో నేచురల్ స్టార్ నాని కూడా ఉండడం గమనార్హం. నాని ఇంటితో పాటు ‘సితార ఎంటర్టైన్మెంట్స్’ నిర్మాణ సంస్థ వారి పై కూడా ఐటీ జరిగాయని తెలుస్తుంది. ‘హారిక అండ్ హాసిని క్రియేషన్స్’ అధినేత రాధాకృష్ణ పై కూడా ఐటీ దాడులు జరిగాయని తెలుస్తుంది. ‘సితార ఎంటర్టైన్మెంట్స్’ అధినేత సూర్య దేవర నాగ వంశీ రాధాకృష్ణ తనయుడు అన్న సంగతి అందరికీ తెలిసిందే.
ఇక నాని ఇంటి పై సోదాలు నిర్వహించడానికి అసలు కారణం ఏంటి అనే విషయం పై ఆయన అభిమానులు కూడా ఆందోళన చెందుతున్నారు. అందుతున్న సమాచారం ప్రకారం ‘జెర్సీ’ చిత్రానికి పారితోషికానికి గాను నాని షేర్ తీసుకున్నాడని.. ఆ లెక్క పెద్ద మొత్తంలోనే ఉందని ఫిలింనగర్ విశ్లేషకుల సమాచారం. ఈఏడాది విడుదలైన ‘జెర్సీ’ చిత్రం మంచి హిట్ గా నిలిచింది. ఈ చిత్రానికి శాటిలైట్, డిజిటల్, హిందీ డబ్బింగ్ మరియు రీమేక్ రైట్స్ రూపంలో నిర్మాతలకి మంచి లాభాలు వచ్చాయని తెలుస్తుంది. ఇక నిర్మాత సురేష్ బాబు పై ఐటీ దాడులు జరుగుతున్నాయి.
తెనాలి రామకృష్ణ బిఏ బిఎల్ సినిమా రివ్యూ & రేటింగ్!
యాక్షన్ సినిమా రివ్యూ & రేటింగ్!
తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!
