‘జబర్దస్త్ కమెడియన్’ హరి మరోసారి ఎర్రచందనం స్మగ్లింగ్ కేసులో ఇరుక్కోవడం సంచలనంగా మారింది. గతంలో కూడా హరి ఎర్రచందనం స్మగ్లింగ్ కేసులో అరెస్ట్ అయిన సంగతి తెలిసిందే. ఇప్పుడు మరోసారి అతను ఇరుక్కున్నట్టు స్పష్టమవుతుంది.హరి గతంలో అరెస్ట్ అయినప్పుడు కొంతమంది స్మగ్లర్లు మరియు అతని ఆ గ్యాంగ్ తో సంబంధం ఉన్నట్టు పోలీసుల దర్యాప్తులో తేలింది. అయితే ఏదో ఒక రకంగా అతను ఆ కేసు నుండీ బయటపడ్డాడు. అయితే ఇప్పుడు మరోసారి హరి సీక్రెట్ గా ఎర్రచందనం స్మగ్లింగ్ కు పాల్పడినట్లు పోలీసులు ఆరోపిస్తున్నారు.
వివరాల్లోకి వెళితే.. శేషాచలం అడవుల్లో అటవీ శాఖ అధికారులు.. కూంబింగ్ నిర్వహించినప్పుడు…. నాగపట్ల, వెస్ట్ బీట్‌, చీకిమానుకోన వద్ద 8 మంది ఎర్రచందనం స్మగ్లర్లను పట్టుకున్నారు. ఈ క్రమంలో రెండు నాటు తుపాకులు అలాగే రూ.3 లక్షల విలువగల ఎర్రచందనం దుంగలను పోలీసులు పట్టుకున్నారు.ఈ గ్యాంగ్ తో జబర్దస్త్ హరికి సంబంధాలు ఉన్నట్లుగా కూడా పోలీసులు వివరాలు సేకరించారట.అంతేకాదు అతన్ని అదుపులోకి తీసుకుని మరోసారి విచారించాలని కూడా పోలీసులు ప్రయత్నిస్తున్నారని,
ఇందుకోసం వారు స్పెషల్ టీంను కూడా ఏర్పాటు చేసినట్టు సమాచారం.ఇదిలా ఉండగా… గతంలో అరెస్ట్ అయ్యి బయటకు వచ్చినప్పుడు హరి.. ‘ఒక కానిస్టేబుల్ అక్రమంగా ఎర్రచందనం తరలిస్తుంటే చూసి పోలీసులకు చెప్పానని…వాళ్ళు వాళ్ళు ఒకటే కాబట్టి నా పై కక్ష కట్టి ఇలా నన్ను ఇరికించారని’ అతను సినిమా స్టైల్ లో చెప్పుకొచ్చిన సంగతి తెలిసిందే.
Most Recommended Video
10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!
Home