గెటప్ శ్రీను.. ఇప్పుడు ‘జబర్దస్త్’ లో స్టార్ కమెడియన్ గా రాణిస్తున్నాడు. ఇతని స్కిట్లకు యూట్యూబ్ లో లక్షల కొద్దీ వ్యూస్ నమోదవుతుంటాయి. టిక్ టాక్, ఇన్స్టాగ్రామ్, ట్విట్టర్ వంటి సోషల్ మీడియాల్లో ఇతని వీడియో క్లిప్స్ ను తీసుకుని ట్రోలింగ్ కు వాడుకుంటూ ఉంటారు. అంతేకాదు ఇతన్ని ‘జబర్దస్త్’ కమల్ హాసన్ అంటుంటారు. హైపర్ ఆది రాక ముందు నుండీ ఇతని స్కిట్లకు ఆదరణ ఎక్కువగా ఉండేది. ఇక ఇప్పుడు వరుస సినిమాల్లో కూడా శ్రీను నటిస్తున్నాడు.
అయితే ఇతను ఇండస్ట్రీకి వచ్చిన కొత్తలో ఘోర అవమానాన్ని ఎదుర్కొన్నట్టు చెప్పి కన్నీళ్ళు పెట్టుకున్నాడు. గెటప్ శ్రీను మాట్లాడుతూ.. “సినిమా అవకాశాల కోసం 2007లో హైదరాబాద్‌ కు వచ్చినప్పుడు అన్నపూర్ణ స్టూడియోస్‌లో ఓ సినిమా ఓపెనింగ్ జరుగుతుంటే అక్కడ హీరోను చూద్దామని వెళ్ళాను. తెలిసిన వాళ్ళు ఉండటంతో లోపలికి వెళ్ళగలిగాను. తర్వాత తినడానికి కూర్చుంటే..ఆ సినిమా నిర్మాత వచ్చి ‘ఎవడ్రా నువ్వు’ అని అడిగాడు. ‘నాకు తెలిసిన వాళ్ళ ద్వారా ఇక్కడికి వచ్చానని’ చెప్పేలోపే.. బండ బూతులు తిట్టి.. తినే కంచాన్ని కూడా లాగేసి .. నన్ను మెడపట్టుకుని బయటికి గెంటేసాడు.
అప్పుడు చాలా బాధపడ్డాను. అసలు ఆ రోజు అక్కడికి ఎందుకు వెళ్ళానా అని ఇప్పటికీ తలుచుకుని ఏడుస్తుంటాను. ఆ రోజు గెంటేసిన అన్నపూర్ణ స్టూడియోస్‌లోకి కచ్చితంగా ఏదో ఒక రోజు దర్జాగా వెళ్ళాలి అని డిసైడ్ అయ్యాను. ఆ కల ‘జబర్దస్త్’ వల్ల నెరవేరింది. ఇప్పుడు ‘జబర్దస్త్’ షూటింగ్ అన్నపూర్ణ స్టూడియోస్ లోనే జరుగుతుంది” అంటూ చెప్పుకొచ్చాడు.
Most Recommended Video
రన్ మూవీ రివ్యూ & రేటింగ్
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
ఎన్టీఆర్ రిజెక్ట్ చేసిన 12 సినిమాలు!
