‘మా'(మూవీ ఆర్టిస్ట్ అసోసియేషన్) లో భాగంగా తన ప్యానల్ తరుపున ప్రచార కార్యక్రమాల్లో చురుగ్గా పాల్గొన్నాడు మంచు విష్ణు. ప్రతీ న్యూస్ ఛానల్ వారికి అతను ఇంటర్వ్యూలు ఇచ్చాడు. ఈ దశలో అతను ట్రోలింగ్ కు కూడా గురయ్యాడు. ప్రకాష్ రాజ్ కు తెలుగు రాదు అంటూనే అతను.. తెలుగు సరిగ్గా మాట్లాడకుండా ట్రోలర్స్ కు దొరికిపోయాడు. మీమ్ పేజెస్ వారికి బోలెడంత స్టఫ్ ఇచ్చాడు.బిగ్ బాస్, ఐపియల్ కంటే ఎక్కువగా ‘మా’ ఎన్నికలు వీడియోలే చూసేంత ఇంట్రెస్ట్ కలిగించేలా చేసాడు మంచు విష్ణు.
ఫైనల్ గా అతను ప్రకాష్ రాజ్ ప్యానల్ పై గెలుపొందాడు కూడా..! అయితే ప్రచార కార్యక్రమాల్లో భాగంగా మంచు విష్ణు వాడిన పదాలని.. ‘జబర్దస్త్’ స్టార్ కమెడియన్ హైపర్ ఆది తన స్కిట్ కోసం వాడుకున్నాడు. దీపావళి నాడు టెలికాస్ట్ అయిన ఎపిసోడ్ లో ఆది మరింత ఉత్సాహంతో విష్ణు వాడిన డైలాగులని పలకడంతో అవి వైరల్ అయ్యాయి. ఆది స్కిట్ వల్ల మంచు విష్ణు, అతని సన్నిహితులు కూడా హర్ట్ అయ్యారని తెలుస్తోంది.
అంతేకాకుండా ఆది ఈ స్కిట్ వేయడం వెనుక మెగా బ్రదర్ నాగబాబు హస్తం కూడా ఉందని వారు అనుమానంతో ఆదిని హెచ్చరించి క్షమాపణ చెప్పాలని డిమాండ్ చేశారట. దానికి ఆది నిరాకరించడంతో నేరుగా సెట్ వద్దకు వెళ్ళి ఆది పై వారు చెయ్యి చేసుకోవడమే కాక.. అక్కడ చాలా సామాగ్రిని ధ్వంసం చేసినట్టు సమాచారం. ఆదికి వివాదాలు కొత్త కాదు గతంలో కూడా ఇలాంటివి ఎన్నో ఫేస్ చేసాడు.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
Home