ఈ మధ్య కాలంలో జబర్దస్త్ కమెడియన్లలో ఒకరైన ఇమ్మాన్యుయేల్ వర్షతో కలిసి స్కిట్లు చేస్తూ వార్తల్లో నిలుస్తున్నారు. రష్మీ సుధీర్ లవ్ ట్రాక్ వల్ల వాళ్లిద్దరూ కలిసి చేసిన షోలకు మంచి టీఆర్పీ రేటింగ్ లు వస్తుండటంతో జబర్దస్త్ నిర్వాహకులు ఇమ్మాన్యుయేల్ వర్ష జంటను ట్రెండింగ్ లో ఉంచడానికి ప్రయత్నాలు చేస్తున్నారు. జబర్దస్త్ షోలో వర్ష ఇమ్మాన్యుయేల్ చేసిన స్కిట్లకు రికార్డు స్థాయిలో వ్యూస్ వస్తున్నాయి. ఒకప్పుడు ఈటీవీ ఛానెళ్లలోని సీరియళ్లలో నటించిన వర్ష వాటి కంటే జబర్దస్త్ ద్వారానే ఎక్కువగా గుర్తింపును సంపాదించుకున్నారు.
జబర్దస్త్ షోకు జడ్జిగా వ్యవహరిస్తున్న రోజా ఇమ్మాన్యుయేల్ కు చాక్లెట్ బాయ్ అనే పేరు పెట్టి అతనికి పాపులారిటీ రావడానికి కారణమయ్యారు. ఇమాన్యుయేల్ ను రోజా ఎక్కువగా ప్రోత్సహించేవారు. మరోవైపు జబర్దస్త్ షోలో జడ్జి రోజాపై ఇమ్మాన్యుయేల్ చాలాసార్లు భక్తి భావాన్ని చాటుకున్నారు. అయితే తాజాగా ఇమ్మాన్యుయేల్ మరో ఆసక్తికరమైన విషయాన్ని వెల్లడించి అందరూ షాక్ అయ్యేలా చేశారు. తాజాగా సోషల్ మీడియాలో నెటిజన్ల ప్రశ్నలకు ఇమ్మాన్యుయేల్ జవాబులు ఇచ్చారు.
నెటిజన్లు ఇమ్మాన్యుయేల్ ను మీ వాట్సాప్ డీపీ, మొబైల్ ఫోన్ వాల్ పేపర్ ను చూపించాలని కోరారు. అయితే ఇమ్మాన్యుయేల్ వాట్సాప్ డీపీలో, మొబైల్ వాల్ పేపర్ లో రోజా ఫోటోలు ఉండటం గమనార్హం. ఆ తరువాత మై నేమ్ ఈజ్ ఇమాన్యుయేల్ మై గాడ్ ఈజ్ రోజా అని చెప్పారు. రోజాను ఇమ్మాన్యుయేల్ ఏకంగా దేవతతో పోల్చారు.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
