Jagapathi Babu: ప్రేమించుకోవడం సరదా అయింది.. విడాకులు తీసుకొని పార్టీలు చేసుకుంటున్నారు!

టాలీవుడ్ ఇండస్ట్రీలో హీరోగా ఎంతో మంచి సక్సెస్ అందుకున్నటువంటి జగపతిబాబు ప్రస్తుతం సెకండ్ ఇన్నింగ్స్ ప్రారంభించి వరుస సినిమాలలో నటిస్తూ ఎంతో బిజీగా ఉన్నారు అయితే ఇప్పుడు ఈయన విలన్ పాత్రలలో నటిస్తూ కెరియర్ పరంగా ఎంతో మంచి సక్సెస్ అందుకున్నారు. ఇక ఏ విషయం అయినా ముక్కుసూటిగా మాట్లాడే వ్యక్తిత్వం ఉన్నటువంటి జగపతిబాబు తనకు తోచిన విషయాన్ని ఎలాంటి నిర్మొహమాటం లేకుండా మాట్లాడతారు. ఈ క్రమంలోనే ఒక ఇంటర్వ్యూలో పాల్గొన్నటువంటి ఈయనకు ప్రస్తుత జనరేషన్లోనే పిల్లలు ప్రేమ గురించి పెళ్లిళ్ల గురించి కొన్ని ప్రశ్నలు ఎదురయ్యాయి.

ఈ ప్రశ్నకు జగపతిబాబు చెప్పిన సమాధానం వైరల్ గా మారింది ఈ సందర్భంగా జగపతిబాబు మాట్లాడుతూ ప్రస్తుత కాలంలో చాలామంది పిల్లలకు ప్రేమ అంటే ఒక సరదాగా మారిపోయింది. ప్రేమించుకుని పెళ్లిళ్లు చేసుకుని విడాకులు తీసుకుంటున్నారు. ఇలా పెళ్లయిన కొద్ది రోజులకే విడాకులు తీసుకొని ఒక పని అయిపోయింది అని భావించి పెద్ద ఎత్తున పార్టీలు చేసుకుంటున్నారని తెలిపారు. ప్రస్తుత కాలంలోని పిల్లలకు ప్రేమ అంటే ఒక సరదాగా మారిపోయింది ప్రేమ అంటే విలువలేదు పెళ్లి అంటే బాధ్యత లేదు.

అందుకే ఈ జనరేషన్ వారికి తాను చెప్పేది ఒకటే పెళ్లిళ్లు చేసుకోవద్దని తాను చెబుతానని జగపతిబాబు కామెంట్ చేశారు.నాకు ఇద్దరు కుమార్తెలు ఇప్పటికే నా పెద్దమ్మాయికి వివాహం జరిగింది. ఇక రెండో కూతురిని పెళ్లి చేసుకోమని నేను ఎప్పుడూ చెప్పను తనకు కూడా పెళ్లి చేసుకోవద్దని చెబుతాను .

ఇక తాను పెళ్లి చేసుకుంటానంటే తన ఇష్టం అంటూ ఈ సందర్భంగా (Jagapathi Babu) జగపతిబాబు ప్రేమ పెళ్లి గురించి మాట్లాడుతూ చేసినటువంటి ఈ కామెంట్స్ వైరల్ అవుతున్నాయి. అయితే ఎక్కువగా సినిమా ఇండస్ట్రీకి చెందినటువంటి సెలబ్రిటీలే ప్రేమ వివాహాలు చేసుకుంటూ కొద్ది రోజులకే విడాకులు తీసుకుంటున్న సంగతి మనకు తెలిసిందే. దీంతో ఈయన చేసిన ఈ కామెంట్స్ వైరల్ అవుతున్నాయి.

‘బిగ్ బాస్ 7’ కంటెస్టెంట్ ప్రియాంక జైన్ గురించి 10 ఆసక్తికర విషయాలు..!

‘బిగ్ బాస్ 7’ కంటెస్టెంట్ దామిని భట్ల గురించి 10 ఆసక్తికర విషయాలు!
‘బిగ్ బాస్ 7’ 14 మంది కంటెస్టెంట్స్ పారితోషికాల లిస్ట్..!