పూల రంగడు సునీల్ కథానాయకుడిగా నటించిన తాజా చిత్రం జక్కన్న. ప్రేమకథా చిత్రం తర్వాత ఆర్ పీ ఏ క్రియేషన్స్ బ్యానర్లో వస్తున్న ఈ చిత్రానికి సంబంధించిన టీజర్ శనివారం విడుదలైంది. అర నిముషం వ్యవధి గల ఈ టీజర్ లో సునీల్ చేసిన యాక్షన్, రొమాన్స్, కామెడీ షేడ్స్ రుచి చూపించారు. ముఖ్యంగా వీడియో చివరన సునీల్ వేసిన పంచ్.. అదిరిపోయింది.
“నీకు మార్షల్ ఆర్ట్స్ తెలుసా…” అని సప్తగిరి అడిగితే .. “నీకు గీతా ఆర్ట్స్ తెలుసా” అంటూ సరైన టైమింగ్ లో సునీల్ చెప్పిన డైలాగ్ నవ్వులు పూయిస్తోంది. దీంతో ఈ టీజర్ చూసే వారి సంఖ్య రోజురోజుకూ పెరుగుతోంది. వంశీ ఆకెళ్ళ దర్శకత్వంలో తెరకెక్కిన ఈ సినిమాకి దినేష్ సంగీతం అందించారు. పోస్ట్ ప్రొడక్షన్ వర్క్ జరుపుకుంటున్న ఈ మూవీని వచ్చే నెలలో రిలీజ్ చేసే ఆలోచనలో ఉన్నట్లు నిర్మాత ఆర్. సుదర్శన్ రెడ్డి చెప్పారు.
https://www.youtube.com/watch?v=tNeY7TWDkiI
