కొరటాల శివ దర్శకత్వంలో తెరకెక్కుతున్న జనతా గ్యారేజ్ చిత్రంలో యంగ్ టైగర్ ఎన్‌టి‌ఆర్ ప్రస్తుతం నటిస్తున్నాడు. ఈ చిత్రం హైదరాబాద్ లో ప్రస్తుతం షూటింగ్ జరుపుకుంటోంది. ఈ చిత్రంలో ఎన్‌టి‌ఆర్ ఫస్ట్ లుక్ ను ఆయన పుట్టిన రోజు(మే20 ) సందర్భంగా విడుదల చేయనున్నారని..
అలాగే సీనియర్ ఎన్‌టి‌ఆర్ జయంతి(మే28)ని పురస్కరించుకొని ఈ చిత్ర టీజర్ ను విడుదల చేయడానికి చిత్ర బృందం సన్నాహాలు చేస్తోందని ఫిల్మ్ నగర్ టాక్. ఇదే నిజమైతే వారం రోజుల్లో ఎన్‌టి‌ఆర్ సినీ అభిమానులకి రెండు పండుగలు జరుపుకున్నట్లే. మైత్రి మూవీ మేకర్స్ పతాకం పై నిర్మిస్తున్న ఈ చిత్రంలో ఎన్‌టి‌ఆర్ సరసన నిత్యా మీనన్, సమంతలు జంటగా నటిస్తున్నారు. దేవి శ్రీ ప్రసాద్ ఈ చిత్రానికి స్వరాలు సమకూరుస్తున్నారు. ఈ చిత్రం ఆగష్టు లో ప్రేక్షకుల ముందుకు రానుంది.
