Janhvi Kapoor: అమ్మను గుర్తు చేసుకుని ఎమోషనల్ కామెంట్స్ చేసిన జాన్వీ !

December 15, 2023 / 07:04 PM IST

దివంగత నటి శ్రీదేవి వారసురాలుగా ఇండస్ట్రీలోకి అడుగుపెట్టినటువంటి నటి జాన్వీ కపూర్ ప్రస్తుతం బాలీవుడ్ సినిమాలు మాత్రమే కాకుండా సౌత్ సినిమాలలో కూడా నటిస్తున్న సంగతి మనకు తెలిసిందే. ఈమె ప్రస్తుతం ఎన్టీఆర్ హీరోగా నటిస్తున్న దేవర సినిమా షూటింగ్ పనులలో ఎంతో బిజీగా ఉన్నారు ఈ సినిమా ద్వారా ఈమె సౌత్ ఇండస్ట్రీకి ఎంట్రీ ఇచ్చారు. ఇకపోతే తరచూ తన తల్లి గురించి మాట్లాడుతూ ఈమె ఎమోషనల్ అవుతూ ఉంటారు తాజాగా మరోసారి తన అమ్మను గుర్తు చేసుకుంటూ జాన్వీ కపూర్ చేసినటువంటి కామెంట్స్ వైరల్ అవుతున్నాయి.

ఈ సందర్భంగా జాన్వీ కపూర్ మాట్లాడుతూ.. నేను శ్రీదేవి వారసురాలిగా ఇండస్ట్రీలోకి వచ్చానని తనకు అందుకే అవకాశాలు వస్తున్నాయి అంటూ చాలామంది మాట్లాడేవారు అందుకే నేనంటే ఏంటో నిరూపించుకోవడం కోసమే అప్పట్లో సినిమాలకు సంబంధించిన సలహాలు అమ్మని అడిగి తెలుసుకునే దానినే కాదు. అంతే కాకుండా నేను సినిమా షూటింగ్ కు వెళ్తే అమ్మని తన వెంట తీసుకొని వెళ్లే దాన్ని కాదు.

ధడక్ సినిమా షూటింగ్ సమయంలో అమ్మ తన వెంట వస్తానని చెప్పినప్పటికీ నేను అక్కడ అభద్రతాభావానికి లోనవ్వడం వల్ల అమ్మను తన వెంట తీసుకు వెళ్ళేదాన్ని కాదు. అందుకే ఈ సినిమా షూటింగ్ సమయంలో అమ్మను నేను దూరం పెట్టానని జాన్వీ కపూర్ చేసినటువంటి కామెంట్స్ వైరల్ అవుతున్నాయి. అయితే ఇప్పుడు మాత్రం ఈ విషయాలు గుర్తుకు వస్తే తనకు చాలా సిల్లిగా అనిపిస్తుందని తెలిపారు.

ప్రస్తుతం అమ్మతో నేను ఎన్నో విషయాలు చెప్పాలనుకుంటున్నాను. అమ్మ నాతో పాటు షూటింగ్ కి రా నువ్వు అంటూ పిలవాలని ఉంది. అంతేకాకుండా సినిమాలకు సంబంధించి అమ్మని ఎన్నో సలహాలు అడగాలని ఉంది అంటూ తన (Janhvi Kapoor) తల్లిని తలుచుకొని ఈమె చేసినటువంటి ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి.