జాన్వీ కోరికలు మామూలుగా లేవుగా.. అలాంటి వ్యక్తి దొరుకుతాడా?

April 23, 2023 / 08:50 PM IST

టాలీవుడ్ ప్రముఖ హీరోయిన్లలో ఒకరైన జాన్వీ కపూర్ కు ప్రేక్షకుల్లో ఉన్న క్రేజ్ అంతాఇంతా కాదు. జాన్వీ నటించిన సినిమాలలో హిందీలో మెజారిటీ సినిమాలు సక్సెస్ సాధించాయి. ఎన్టీఆర్30 సినిమాతో టాలీవుడ్ ఇండస్ట్రీలోకి ఎంట్రీ ఇవ్వనున్న జాన్వీ ఇక్కడ కూడా సక్సెస్ సాధించి బాక్సాఫీస్ వద్ద సత్తా చాటుతానని భావిస్తున్నారు. అయితే తాను పెళ్లి చేసుకునే వ్యక్తిలో కొన్ని లక్షణాలు ఉండాలంటూ జాన్వీ తన మనస్సులోని కోరికలను బయటపెడుతున్నారు. నా వృత్తిని గౌరవించే వ్యక్తి నా జీవితంలోకి రావాలని నేను కోరుకుంటున్నానని ఆమె అన్నారు.

ఎవరైతే నన్ను పెళ్లి చేసుకోవాలని అనుకుంటారో ఆ వ్యక్తికి మంచి సెన్సాఫ్ హ్యూమర్ ఉండాలని ఆమె చెప్పుకొచ్చారు. తెలియని విషయాలను నేర్చుకుంటే ఆ విషయాలను ఉత్సాహంగా నేర్పించే వ్యక్తి తనకు కావాలని జాన్వీ కపూర్ కామెంట్లు చేశారు. నన్ను కేరింగ్ గా చూసుకునే వ్యక్తి కావాలని ఆమె వెల్లడించారు. నన్ను చేసుకోబోయే వ్యక్తి నా తండ్రి కంటే ఎక్కువ హైట్ ఉండాలని జాన్వీ కపూర్ చెప్పుకొచ్చారు. మిలి మూవీ షూట్ సమయంలో నా ఆరోగ్యం దెబ్బ తిందని ఆమె అన్నారు.

నాకు స్ట్రీట్ ఫుడ్ అంటే ఎంతో ఇష్టమని జాన్వీ కపూర్ పేర్కొన్నారు. ముంబై వీధులలో నచ్చిన ఆహారం తింటానని ఆమె కామెంట్లు చేశారు. జాన్వీ వెల్లడించిన విషయాలు సోషల్ మీడియాలో తెగ వైరల్ అవుతున్నాయి. ఎన్టీఆర్30 సినిమాలో ఈ బ్యూటీ మత్స్యకారుని కూతురి రోల్ లో కనిపించనున్నారని ఆ రోల్ సినిమాకు హైలెట్ గా నిలవడంతో పాటు ఈ సినిమాలో కీలక ట్విస్ట్ లకు కారణం అవుతుందని తెలుస్తోంది.

ఎన్టీఆర్ జాన్వీ జోడీని వెండితెరపై చూడటానికి ప్రేక్షకులు సైతం ఆసక్తిగా ఎదురుచూస్తున్నారు. ఈ కాంబినేషన్ కు ప్రేక్షకుల్లో పెరుగుతున్న క్రేజ్ అంతాఇంతా కాదు. ఈ సినిమా కోసం జాన్వీ కపూర్ 5 కోట్ల రూపాయల రేంజ్ లో పారితోషికం అందుకుంటున్నారు.