జాన్వీ కపూర్ కి నచ్చిన ఏకైక తెలుగు హీరో విజయ్ దేవరకొండ

విజయ్ దేవరకొండకి టాలీవుడ్ లో కానీ.. తెలుగు రాష్ట్రాల్లో ఉన్న యువతలో ఉన్న క్రేజ్ గురించి ఎంత చెప్పుకున్నా తక్కువే.. ముఖ్యంగా అమ్మాయిల్లో మనోడికి ఉన్న ఫాలోయింగ్ వేరు. అందుకే.. అతని సినిమాలు యావరేజ్ గా ఉన్నా సూపర్ హిట్ అయిపోతుంటాయి. అయితే.. ఇప్పుడు దేవరకొండ బాబు క్రేజ్ బాలీవుడ్ కి కూడా పాకినట్లు స్పష్టమవుతోంది. అందుకు రుజువు లేకపోలేదు.. ఇటీవల “కాఫీ విత్ కరణ్” షోలో పాల్గొన్న శ్రీదేవి కుమార్తె జాన్వి కపూర్ ను “నువ్వు ఎవరిలా నిద్ర లేవాలి అనుకుంటున్నావ్” అని కరణ్ జోహార్ అడిగిన ప్రశ్నకు.. పెద్దగా ఆలోచించకుండా “విజయ్ దేవరకొండలా నిద్ర లేవాలి అనుకుంటున్నా..

లేచి వచ్చి నేను హీరోయిన్ గా ఒక సినిమా చేయాలి” అని సమాధానమిచ్చింది జాన్వి కపూర్. దాంతో అప్పటివరకూ విజయ్ దేవరకొండ క్రేజ్ కేవలం తెలుగు రాష్ట్రాల్లో మాత్రమే ఉందనుకొంటున్న వాళ్ళందరూ షాక్ కు గురైతే… విజయ్ రౌడీ ఫ్యాన్స్ మాత్రం “అన్నది బాలీవుడ్ రేంజ్” రా అంటూ ఆన్ లైన్ లో హల్ చల్ చేస్తున్నారు. త్వరలోనే విజయ్ ఏదో ఒక బాలీవుడ్ సినిమాలో స్పెషల్ అప్పీరియన్స్ ఇచ్చినా ఆశ్చర్యపోనక్కర్లేదు.