బంధాలు, అనుబంధాలకు ప్రాధాన్యత ఇచ్చే అతికొద్ది మంది హీరోలలో జూనియర్ ఎన్టీఆర్ ఒకరు. తనతో కలిసి నటించిన వాళ్లను తారక్ ఆప్యాయంగా పిలుస్తారని పెద్దలకు ఎంతో గౌరవం ఇస్తారని ఇండస్ట్రీలో పేరుంది. ప్రముఖ టాలీవుడ్ నటులలో ఒకరైన చలపతిరావు మరణ వార్త తెలిసిన వెంటనే జూనియర్ ఎన్టీఆర్ వీడియో కాల్ ద్వారా ఆయన కుటుంబ సభ్యులను ఓదార్చారు. రవిబాబుకు వీడియో కాల్ చేసిన తారక్ ఆ కాల్ లో లే బాబాయ్ లే అంటూ ఎమోషనల్ అయ్యారు.
చలపతిరావు మరణం పట్ల దిగ్భ్రాంతి వ్యక్తం చేసిన జూనియర్ ఎన్టీఆర్ చలపతిరావు మరణించారనే వార్తను జీర్ణించుకోలేకపోతున్నామని చెప్పుకొచ్చారు. ఆ తర్వాత ట్విట్టర్ వేదికగా చేసిన పోస్ట్ లో చలపతిరావు మరణంతో నందమూరి ఫ్యామిలీ కుటుంబ సభ్యుడిని కోల్పోయిందని జూనియర్ ఎన్టీఆర్ కామెంట్లు చేశారు. చలపతిరావు గారి అకాల మరణం తనను ఎంతగానో బాధ పెట్టిందని తారక్ వెల్లడించారు.
తాతగారి రోజుల నుంచి చలపతిరావు మా కుటుంబానికి ఆప్తులలో ఒకరిగా ఉన్నారని జూనియర్ ఎన్టీఆర్ అభిప్రాయం వ్యక్తం చేశారు. చలపతిరావు ఆత్మకు శాంతి చేకూరాలని ప్రార్థిస్తున్నానని తారక్ చేసిన ట్వీట్ సోషల్ మీడియాలో వైరల్ అవుతోంది. చిరంజీవి, బాలకృష్ణ, ఇతర సినీ ప్రముఖులు సోషల్ మీడియా వేదికగా చలపతిరావు మృతికి సంతాపం తెలియజేశారు. రవిబాబు మీడియాతో మాట్లాడుతూ నాన్నకు ఎన్టీఆర్, మంచి భోజనం, స్నాక్స్ ఇష్టమని తెలిపారు.
నాన్న వ్యక్తిత్వం గురించి సినిమా రంగంలో అందరూ గొప్పగా చెబుతుంటే సంతోషంగా ఉండేదని రవిబాబు కామెంట్లు చేశారు. నాన్నగారికి సీనియర్ ఎన్టీఆర్ అంటే ఎంతో అభిమానమని ఆయనతో కలిసి సినిమాలు చేసే లక్ నాన్నగారికి దక్కిందని రవిబాబు పేర్కొన్నారు. సిస్టర్స్ అమెరికాలో ఉన్నారని వాళ్లు వచ్చిన తర్వాత అంత్యక్రియలు నిర్వహిస్తామని ఆయన కామెంట్లు చేశారు.
18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!
ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?
