పాన్ ఇండియా స్టార్ హీరో, గ్లోబల్ స్టార్ యంగ్ టైగర్ ఎన్టీఆర్ గురించి ప్రత్యేకంగా చెప్పాల్సిన పనిలేదు. ఇండస్ట్రీలోకి బాల నటుడిగా వచ్చిన ఈయన అనంతరం హీరోగా తెలుగు సినిమా ఇండస్ట్రీలో ఎంతో క్రేజ్ సొంతం చేసుకున్నారు.. రాజమౌళి దర్శకత్వంలో నటించిన త్రిబుల్ ఆర్ సినిమా ద్వారా గ్లోబల్ స్టార్ గా మారిపోయారు. ఈ సినిమాతో ఎంతో క్రేజ్ సొంతం చేసుకున్న ఎన్టీఆర్ తన తదుపరి చిత్రాలను కూడా పాన్ ఇండియా స్థాయిలో తెరకెక్కించే ప్రయత్నం చేస్తున్నారు.
ఇక ఈయన తన తదుపరి చిత్రాన్ని కొరటాల శివ దర్శకత్వంలో చేయబోతున్నారు. త్వరలోనే ఈ సినిమా రెగ్యులర్ షూటింగ్ పనులను ప్రారంభించుకోనుంది. ఇక ఎన్టీఆర్ తాజాగా విశ్వక్ సేన్ హీరోగా నటించిన దాస్ కా ధమ్కీ సినిమా ప్రీ రిలీజ్ వేడుకకు ముఖ్య అతిథిగా వెళ్లారు. ఈ కార్యక్రమంలో భాగంగా ఎన్టీఆర్ మాట్లాడుతూ పలు విషయాలను తెలియచేశారు. విశ్వక్ సేన్ టాలెంటెడ్ అని.. అశోకవనంలో అర్జున కళ్యాణం సినిమా ప్రీ రిలీజ్ వేడుకకు వెళ్లాల్సి ఉన్నా కొన్ని కారణాల వల్ల రాలేకపోయానని తెలిపారు.
ఇక తన మనసు కనుక ఏ మంత్రం బాగా లేకపోయినా ఎక్కువ ఒత్తిడికి గురైన తాను విశ్వక్ నటించిన ఈ నగరానికి ఏమైంది సినిమా చూస్తానని తెలిపారు. ఈ సినిమాలో విశ్వక్ నటన అద్భుతమని తెలిపారు. ఈ సినిమాలో విశ్వక్ కామెడీ చేయకుండానే నటిస్తారని, మనసులో బాధను దాచుకొని ఎంటర్టైన్ చేస్తారని తెలిపారు. ఇలా నటించడం చాలా కష్టమని, విశ్వక్ నటన చూసి కొన్నిసార్లు తనకు ఆశ్చర్యం కలుగుతుందని ఈయన తెలిపారు.
ఇలా ఎన్టీఆర్ వంటి ఒక గ్లోబల్ స్టార్ తనకు మనసు బాగా లేనప్పుడు విశ్వక్ సేన్ సినిమా చూస్తానని చెప్పడంతో ఈ కామెంట్స్ కాస్త సోషల్ మీడియాలో వైరల్ అవుతున్నాయి. ఇలా ఎన్టీఆర్ విశ్వక్ గురించి ఇలాంటి కామెంట్స్ చేయడంతో అభిమానులు సంతోషం వ్యక్తం చేస్తున్నారు.
రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!
2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్
Home