ఈ మధ్య కాలంలో పాన్ ఇండియా మూవీలపై టాలీవుడ్ హీరోలు దృష్టి పెట్టిన సంగతి తెలిసిందే. కళ్యాణ్ రామ్ నటిస్తున్న బింబిసార పాన్ ఇండియా మూవీగా తెరకెక్కనుండగా బింబిసార సినిమాకు ఎన్టీఆర్ వాయిస్ ఓవర్ ఇవ్వనున్నారని కొన్నిరోజుల క్రితం వార్తలు వచ్చాయి. అయితే అన్నకు సక్సెస్ దక్కాలనే తాపత్రయంతో ఎన్టీఆర్ తన వంతు సహకారం అందిస్తున్నారని ఇండస్ట్రీ వర్గాల్లో వినిపిస్తోంది. ఎన్టీఆర్ బింబిసార స్క్రిప్ట్ ను ఒకటికి రెండుసార్లు చదవడంతో పాటు కీలక మార్పులు సూచించారని ఇప్పటికే షూటింగ్ జరుపుకున్న సన్నివేశాలకు సంబంధించి సూచనలు చేశారని సమాచారం.
పౌరాణిక చిత్రంగా ఈ సినిమా తెరకెక్కనుండగా ఎన్టీఆర్ సలహా మేరకే కళ్యాణ్ రామ్ ఈ సినిమాను ఓకే చేశారని ఇండస్ట్రీ వర్గాల్లో వినిపిస్తోంది. ఎన్టీఆర్ వాయిస్ ఓవర్ తో సినిమా మొదలు కాగా మధ్యమధ్యలో కూడా ఎన్టీఆర్ వాయిస్ వినిపిస్తుందని సమాచారం. గతంలో కళ్యాణ్ రామ్ సినిమా ప్రమోషన్లకు హాజరు కాని ఎన్టీఆర్ ఈ సినిమా ప్రమోషన్లకు మాత్రం హాజరయ్యే అవకాశాలు ఉన్నాయని తెలుస్తోంది. ఎన్టీఆర్ ఇస్తున్న సహకారం కళ్యాణ్ రామ్ కు భారీ బ్లాక్ బస్టర్ ను ఇస్తుందేమో చూడాల్సి ఉంది.
మరోవైపు ఈ సినిమాలో నటిస్తున్న ఇతర నటీనటుల వివరాలు తెలియాల్సి ఉంది. నందమూరి బ్రదర్స్ ఎన్టీఆర్, కళ్యాణ్ రామ్ పాన్ ఇండియా కథలనే తమ సినిమా కథలుగా ఎంచుకుంటూ ఉండటం గమనార్హం. కళ్యాణ్ రామ్ ఈ సినిమాతో పాటు మైత్రీ మూవీ మేకర్స్ బ్యానర్ లో ఒక సినిమాలో నటిస్తున్నారు.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
