అన్నయ్య తో విభేధాలు లేవని స్పష్టం చేసిన ఎన్టీఆర్.!

ఈమధ్యకాలంలో ఒక్కటంటే ఒక్క కాంట్రవర్సీలో కూడా కేంద్ర బిందువు అవ్వకుండా కుటుంబాలతో సంబంధం లేకుండా ఎలాంటి ఇష్యూస్ లోనూ తలదూర్చకుండా అన్నీ కుటుంబాల కథానాయకులతోనూ కలిసిమెలిసి మెలుగుతూ అందరికీ ఆదర్శప్రాయుడయ్యాడు ఎన్టీఆర్. అయితే.. మొన్నామధ్య మాత్రం అన్న కళ్యాణ్ రామ్ నటించిన “ఎం.ఎల్.ఏ” ప్రీరిలీజ్ ఈవెంట్ కి ఎన్టీఆర్ గైర్హాజరవ్వడంతో అన్నదమ్ములిద్దరికీ పడడం లేదు, అందుకే సిటీలో ఉండి కూడా ఎన్టీఆర్ ఈవెంట్ కి హాజరవ్వలేదు అనే కథనాలు వినిపించాయి.

ఇక ఎన్టీఆర్ “భరత్ అనే నేను” బహిరంగ సభకు ముఖ్య అతిధిగా వెళ్లడంతో ఆ కథనాలు నిజం అనుకొన్నారందరూ. కట్ చేస్తే.. ఇవాళ ఉదయం హైద్రాబాద్ లో నిర్వహించబడిన కళ్యాణ్ రామ్ నూతన చిత్ర ప్రారంభోత్సవానికి తండ్రి హరికృష్ణ, పెదనాన్న రామకృష్ణలతో కలిసి హారాజయ్యాడు ఎన్టీఆర్. అలాగే.. సినిమా ముహూర్తపు సన్నివేశానికి క్లాప్ కొట్టాడు. దాంతో నిన్నమొన్నటివరకూ అన్నదమ్ముల మధ్య చిచ్చు రేగింది అనే రూమర్లకు ఎన్టీఆర్ చెక్ పెట్టినట్లైంది.