విజయ్ కోసం రంగంలోకి దిగిన ఎన్టీఆర్..!

February 20, 2020 / 05:48 PM IST

యంగ్ టైగర్ ఎన్టీఆర్ ను అందరూ ‘ఆల్ రౌండర్’ అంటుంటారు. నటన, డ్యాన్స్, ఫైట్స్, డైలాగ్స్ ఇలా ఇందులో అయినా సరే.. చించి ఆరేస్తుంటాడు అని ప్రశంసిస్తుంటారు. ఎన్టీఆర్ ఎప్పుడూ అందరి హీరోలతోనూ ఎంతో సన్నిహితంగా ఉంటాడన్న సంగతి తెలిసిందే. ‘అరవింద సమేత’ సినిమా ఓపెనింగ్ కు పవన్ కళ్యాణ్ ను ఆహ్వానించి చేసిన సందడి అందరికీ గుర్తుండే ఉంటుంది. ఇక అల్లు అర్జున్ ని భావా అంటూ పలకరిస్తాడు. ఇక చరణ్ తో ‘ఆర్.ఆర్.ఆర్’ చేస్తున్నాడు. ‘భరత్ అనే నేను’ ప్రీ రిలీజ్ కు గెస్ట్ గా వెళ్లి అక్కడ మహేష్ తో చేసిన హడావిడి అంతా ఇంతా కాదు. మొత్తానికి టాలీవుడ్ లోనే కాదు మిగిలిన భాషల్లో స్టార్ హీరోలతో సైతం అదే రేంజ్ ఫ్రెండ్ షిప్ మెయింటైన్ చేస్తుంటాడు.

Jr NTR to sing for Vijay's Master Movie1

కన్నడ స్టార్ హీరో పునీత్ రాజ్ కుమార్ కోసం అప్పట్లో ఓ పాట పాడి హల్ చల్ చేసాడు. ఆ సినిమాలో ఆ పాట హైలెట్ గా నిలిచింది. ఇప్పుడు తమిళ స్టార్ హీరో విజయ్ సినిమా ‘మాస్టర్’ లో కూడా ఓ పాట పాడటానికి రెడీ అయ్యాడు. లోకేష్ కనగరాజన్ డైరెక్షన్లో తెరకెక్కుతోన్న ‘మాస్టర్’ చిత్రానికి అనిరుథ్ సంగీతం అందిస్తున్నాడు. ఈ చిత్రంలో ‘కుట్టి స్టోరీ ‘ అనే పాటని తమిళ్ లో హీరో విజయ్ పాడాడు. అదే పాటని తెలుగులో ఎన్టీఆర్ పడబోతున్నాడట. ఇందుకోసం ఎన్టీఆర్, విజయ్ కలవబోతున్నట్టు సమాచారం.