యంగ్ టైగర్ ఎన్టీఆర్, మెగాపవర్ స్టార్ రామ్ చరణ్ ప్రధాన పాత్రల్లో దర్శకుడు రాజమౌళి తెరకెక్కిస్తోన్న చిత్రం ‘ఆర్ఆర్ఆర్’. జనవరి 7న ఈ సినిమా ప్రేక్షకుల ముందుకు రానుంది. దీంతో సినిమాను జోరుగా ప్రమోట్ చేస్తున్నారు. పాన్ ఇండియా సినిమా కావడంతో అన్ని ప్రాంతాలకు తిరుగుతూ.. ప్రెస్ మీట్ లను నిర్వహిస్తున్నారు. ఇప్పటికే ముంబై, చెన్నై లాంటి సిటీల్లో భారీ ప్రీరిలీజ్ ఈవెంట్స్ ను ఏర్పాటు చేశారు. త్వరలోనే హైదరాబాద్ లో భారీగా ఓ ఈవెంట్ ను ప్లాన్ చేస్తున్నారు.
దీనికి చిరంజీవి, బాలకృష్ణ లాంటి సీనియర్ హీరోలు గెస్ట్ లుగా రాబోతున్నారని సమాచారం. ఇదిలా ఉండగా.. ఈ సినిమా ప్రమోషన్స్ లో భాగంగా రాజమౌళి, రామ్ చరణ్, ఎన్టీఆర్ కలిసి ఓ ఇంటర్వ్యూలో పాల్గొన్నారు. ఈ సందర్భంగా హోస్ట్.. ఎన్టీఆర్ ను ఉద్దేశిస్తూ.. ‘మీరు నటించిన సినిమాల్లో ఏ సినిమాను బాలీవుడ్ లో రీమేక్ చేస్తారు..?’ అంటూ ప్రశ్నించారు. వెంటనే ‘జై లవకుశ’ అని సమాధానం చెప్పారు ఎన్టీఆర్. 2017లో విడుదలైన ఈ సినిమా అప్పట్లో భారీ విజయాన్ని అందుకుంది.
ఇందులో ఎన్టీఆర్ త్రిపాత్రాభినయం పోషించారు. మూడు పాత్రల్లో తనదైన పెర్ఫార్మన్స్ తో ఆకట్టుకున్నారు. దర్శకుడు బాబీ రూపొందించిన ఈ సినిమా బాక్సాఫీస్ వద్ద భారీ వసూళ్లను రాబట్టింది. ఇప్పుడు బాలీవుడ్ లో ఛాన్స్ వస్తే.. ఈ సినిమాను రీమేక్ చేయాలనుకుంటున్నారు ఎన్టీఆర్. ‘ఆర్ఆర్ఆర్’ తరువాత ఎన్టీఆర్ కి బాలీవుడ్ లో అవకాశాలు రావడం ఖాయం. మరి అప్పుడు ఈ రీమేక్ పై ఏమైనా ఫోకస్ చేస్తారేమో చూడాలి. ఇక ‘ఆర్ఆర్ఆర్’ సినిమాలో అలియాభట్, ఒలీవియా మోరిస్ హీరోయిన్లుగా నటిస్తున్నారు. అజయ్ దేవగన్, శ్రియా, సముద్రఖని కీలకపాత్రలు పోషిస్తున్నారు.
Most Recommended Video
83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
Home