యంగ్ టైగర్ ఎన్టీఆర్!! టాలీవుడ్ లో మాస్ బేస్ ఉన్న హీరోల్లో టాప్ ప్లేస్ లో ఉన్నాడు ఎన్టీఆర్. ఎటువంటి పాత్రనైనా అవలీలగా నటించగల ఏకైక యువకెరటం ఎన్టీఆర్ అంటే అతిశయోక్తి కాదు. ఎమోషనల్ డైలాగ్స్, డ్యాన్స్, ఫైట్స్, కామెడీ. ఇలా ఒక్కటి కాదు నవరసాలను పండించగల నటుడు మన జూనియర్ ఎన్టీఆర్. అయితే అంత టాలెంట్ ఉన్న ఎన్టీఆర్ కు లక్ మాత్రం కలసి రావడం లేదు. చిన్న వయసులోనే భారీ హిట్స్ ఇచ్చిన ఎన్టీఆర్ కు ఇప్పటి వరకూ ‘నాన్నకు ప్రేమతో’ మినహా మరే సినిమాకు 50కోట్ల కలెక్షన్స్ రాలేదు.
ఇక నాన్నకు ప్రేమతో కూడా అనుకున్నంత హిట్ అందించలేక విమర్శకుల ప్రశంసలతో సరిపెట్టుకుంది. ఇదిలా ఉంటే ఇప్పటివరకూ ఎన్టీఆర్ ఎన్నో అవకాశాలు వదిలేసుకున్నాడు. కధ నచ్చకపోవడం వల్ల కొన్ని, డేట్స్ కుదరక మరికొన్ని. అందులో….టాలీవుడ్ లో సూపర్ హిట్ సినిమాలుగా రికార్డులను క్రియేట్ చేసిన ‘దిల్’ ‘ఆర్యా’ – ‘భద్ర’ – ‘అతనొక్కడే’ – ‘కిక్’ – ‘కృష్ణ’ – ‘శ్రీమంతుడు’ ఇలా భారీ సినిమాలను ఎన్టీఆర్ వదిలేసుకున్నాడు. అయితే అదే క్రమంలో ఆ సినిమాలు తెరకెక్కించిన దర్శకులకు తాను మరొక అవకాశం కల్పించాడు.
కానీ ఆ సినిమాలు అన్నీ ఫ్లాప్ అయ్యాయి. అంతెందుకు తాజాగా ఊపిరి సినిమా విషయమే తీసుకుంటే దర్శకుడు వంశీ ఎన్టీఆర్ కు అత్యంత సన్నిహితుడు, ముందుగా ఊపిరి సినిమాలో కార్తి కధని ఎన్టీఆర్ కు చెప్పగా, డేట్స్ అడ్జస్ట్ కాక ఎన్టీఆర్ ఒప్పుకోలేదు. చివరకు ఆ సినిమాకు కార్తి కి పోయి, భారీ హిట్ సాధించింది. అలా ఇప్పటివరకూ ఎన్టీఆర్ ను బ్యాడ్ లక్ వెంటాడుతూనే ఉంది. మరి త్వరలో రాబోయే జనతా గ్యారేజ్ అయినా ఎన్టీఆర్ దశను…దిశను మార్చుతుంది ఏమో చూడాలి.
