మెగాస్టార్ చిరంజీవి ప్రతిష్టాత్మక చిత్రం వేగంగా షూటింగ్ జరుపుకుంటోంది. మాస్ పల్స్ తెలిసిన డైరక్టర్ వి.వి.వినాయక్ ముందుగా యాక్షన్ సన్నివేశాలను చిత్రీకరిస్తున్నారు. అయితే చిరు పక్కన నటించే భామ ఇంకా ఖరారు కాలేదు. మొదట్లో అనుష్క, నయన తార పేర్లు వినిపించాయి. తర్వాత బాలీవుడ్ తారలను సంప్రదించినట్లు సమాచారం. ఇప్పుడు కొత్తగా కాజల్ అగర్వాల్ పేరు ఈ జాబితాలోకి వచ్చింది. మగధీరలో మిత్రవిందగా నటించి మెప్పించిన ఈ సుందరి అంటే రామ్ చరణ్ కి ప్రత్యేక అభిమానం. అందుకే నాయక్, ‘గోవిందుడు అందరివాడేలే’ సినిమాల్లో ఆమెనే జోడీగా పెట్టుకున్నాడు. ఇప్పుడు తాను నిర్మిస్తున్న మెగాస్టార్ 150 వ చిత్రంలో కాజల్ ను హీరోయిన్ గా ఫిక్స్ చేయాలని అనుకున్నాడు. తన ఆలోచనకు దర్శకుడు,
చిరు ఒకే చెప్పడంతో కాజల్ ని సంప్రదించాడని తెలిసింది. అయితే ఈ బంపర్ ఆఫర్ కి ఆ అమ్మడు ఆనందంగా ఒప్పుకోకుండా రెమ్యునరేషన్ 2.5 కోట్లు ఇస్తే డేట్స్ ఫిక్స్ చేస్తానని చల్లగా చెప్పిందంటా. ఊహించని సమాధానం వచ్చేసరికి చెర్రీకి ఏమి చెప్పాలో తెలియక ఆమెను హోల్డ్ లో పెట్టినట్లు సమాచారం. సర్దార్ గబ్బర్ సింగ్, బ్రహ్మోత్సం సినిమాలకు రెండు కోట్లు తీసుకున్న కాజల్, ఆ చిత్రాలు ఫెయిల్ అయినా పారితోషికంలో వెనక్కి తగ్గడం లేదు. ఇంతకీ రామ్ చరణ్ అడిగినంతా ఇచ్చి కాజల్ ని తీసుకుంటాడా ? మరో తారను సెలక్ట్ చేస్తాడా ?.. తెలియాలంటే మరికొన్ని రోజులు ఆగాల్సిందే.
