వెండితెర చందమామ కాజల్ అగర్వాల్ ప్రస్తుతం తన వ్యక్తిగత జీవితాన్ని అలాగే వృత్తిపరమైన జీవితాన్ని చాలా బ్యాలెన్స్ చేస్తూ ముందుకు సాగుతున్నారు. షూటింగ్ విరామ సమయంలో పూర్తిగా తన జీవితాన్ని తన కుటుంబానికి అంకితం చేస్తూ తన కొడుకు ఆలనా పాలన చూసుకుంటూ తల్లిగా ఎంతో బాధ్యతలు నిర్వహిస్తున్నారు. అలాగే నటిగా ఇండస్ట్రీలో కూడా కొనసాగుతూ ఎంతో మంచి గుర్తింపు పొందారు. ప్రస్తుతం వరుస సినిమాలతో ఎంతో బిజీగా ఉన్నటువంటి కాజల్ అగర్వాల్ తాజాగా తన కుమారుడు గురించి పలు ఆసక్తికరమైన విషయాలను తెలియజేశారు.
ఇక ఈమె (Kajal) తన కుమారుడికి నీల్ అనే పేరు పెట్టడానికి గల కారణాన్ని కూడా తెలియజేసిన సంగతి తెలిసిందే. తనకు శివుడంటే ఇష్టం కావడంతో నీలకంఠేశ్వరుడి పేరులో నీల్ అనే మొదటి అక్షరాలను తన కుమారుడికి పెట్టానని తెలియజేశారు. ఇకపోతే తన కుమారుడి విషయంలో కాజల్ అగర్వాల్ కొన్ని నిర్ణయాలు తీసుకున్నారని తెలుస్తుంది. ప్రస్తుతం తన కుమారుడికి ఎలాంటి సినిమాలు కానీ.చూపించడం లేదట తనకు 8 సంవత్సరాల వయసు వచ్చేవరకు సినిమాలు అసలు చూపించనని కాజల్ అగర్వాల్ తెలియజేశారు .
ఇక తన కుమారుడికి 8 సంవత్సరాలు వచ్చిన తర్వాత మాత్రమే సినిమాలు చూపిస్తానని తెలిపారు. ఇలా ఎనిమిది సంవత్సరాల తర్వాత తన కుమారుడికి చూపించే మొట్టమొదటి సినిమా గురించి కూడా ఈ సందర్భంగా తెలియజేశారు. ఈమె తన కుమారుడికి తాను నటించిన తుపాకీ సినిమాని చూపిస్తానని తెలియజేశారు తమిళ నటుడు విజయ్ కాజల్ అగర్వాల్ జంటగా తెరకేక్కిన తుపాకీ సినిమా 2012 లో యాక్ష‌న్ ఎంట‌ర్‌టైన‌ర్‌గా విడుద‌లై ఈ సినిమా బాక్సాఫీసు వ‌ద్ద మంచి వ‌సూళ్ల‌ను సాధించింది.
ఇక ఈ సినిమాకు ఏఆర్ మురుగదాస్ దర్శకత్వం వహించారు. ఈ సినిమాని కాజల్ మొదటగా తన కుమారుడికి చూపిస్తానని చెబుతూ చేస్తున్నటువంటి ఈ కామెంట్స్ వైరల్ అవుతున్నాయి.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
