ఇది వరకు ఎన్నడూ లేనివిధంగా ప్రపంచవ్యాప్తంగా ఎక్కువమంది అభిమానులు ఎదురుచూస్తున్న సినిమా బాహుబలి కంక్లూజన్. దీనికి కారణం బాహుబలి బిగినింగ్. ఈ చిత్రాన్ని అన్ని వర్గాల ప్రజలకు నచ్చేలా రాజమౌళి తెరకెక్కించి శెభాష్ అనిపించుకున్నారు. సినిమా చివర్లో బాహుబలిని కట్టప్ప చంపేశాడని విషయాన్ని చెప్పి.. ఎందుకు చంపాడని ప్రశ్నను అభిమానుల్లో రేకెత్తించారు. ఆ ప్రశ్నకు సమాధానం తెలుసుకోవాలని ఏప్రిల్ 28 తేదీ కోసం వెయిటింగ్ చేస్తున్నారు. వారి ఆత్రుతని కీరవాణి తమ్ముడు కళ్యాణ రమణ మరింత పెంచారు. ఈయన ‘బాహుబలి: ది కంక్లూజన్’ ట్రైలర్ చూశారంట. ఆ ఆనందాన్ని ట్విట్టర్లో షేర్ చేసుకున్నారు. ‘‘బాహుబలి-2 ట్రైలర్ చూశా. గుండెలు అదిరిపోయాయి. ఈ ట్రైలరే వంద రోజులు ఆడుతుంది.
ఎంతో అమోఘంగా ఉన్న ట్రైలర్ త్వరలోనే రిలీజవుతుంది’’ అంటూ కళ్యాణ రమణ పోస్ట్ చేశారు. దీంతో బాహుబలి, ప్రభాస్ అభిమానులు సంబరపడిపోతున్నారు. ట్రైలరే కిరాక్ పుట్టిస్తుంటే సినిమా ఆశ్చర్యంలో ముంచెత్తడం ఖాయం అంటున్నారు. ముంబై వేదికగా బాలీవుడ్ స్టార్స్ సమక్షంలో మార్చి 15న ‘బాహుబలి-2’ ట్రైలర్ రిలీజ్ కాబోతుంది.
Also, do SUBSCRIBE to our YouTube channel to get latest Tollywood updates.
Home